بین الاقوامی خبریں / سوشل میڈیا وائرل

امریکہ : بالٹی مور بریج کا ایک بڑا حصہ کنٹینر جہاز کے ٹکرانے کے باعث گر گیا، بڑے پیمانے پر ہلاکتوں کا خدشہ !، کئی کاریں سمندر میں گر گئیں

- by سحر نیوز

امریکہ : بالٹی مور بریج کا ایک بڑا حصہ کنٹینر جہاز کے ٹکرانے کے باعث گر گیا
بڑے پیمانے پر ہلاکتوں کا خدشہ!!، کئی کاریں سمندر میں گر گئیں، ویڈیوز وائرل
جہاز پر سوار بشمول دو پائلٹ تمام 22 ارکان عملہ کا ہندوستان سے تعلق،تمام محفوظ

واشنگٹن/نئی دہلی: 26۔مارچ
(سحرنیوز/سوشل میڈیا ڈیسک)

ریاستہائے متحدہ امریکہ USA# کے بالٹی مور میں فرانسس اسکاٹ کے بریج کا ایک بڑا حصہ آج منگل کی صبح ایک بڑے کنٹینر جہاز سے ٹکرانے کے بعد منہدم ہو گیا۔یہ واقعہ امریکی وقت کے مطابق 1.30 بجے (نصف شب کے بعد) پیش آیا ہے۔

بالٹی مور سٹی فائر ڈپارٹمنٹ نے اس بریج کے ایک بڑے حصہ کےگرنے کو بڑ ے پیمانے پر ہلاکتوں کا واقعہ قرار دیا۔جیساکہ بین الاقوامی میڈیا رپورٹس کے مطابق کئی گاڑیاں بریج کے ٹوٹنے کے دؤران نیچے دریا میں گر گئیں۔اطلاعات کےمطابق امدادی کارکن پانی میں گرےہوئے 7 افراد کی تلاش میں مصروف ہیں۔سٹی فائر ڈپارٹمنٹ کے حوالہ سے دی گئی الجزیرہ (انگریزی) کی رپورٹ کے مطابق ان میں سے دو افراد کو بحفاظت پانی میں سے نکال لیا گیا ہے جس میں سے ایک زخمی ہے۔

چند میڈیا رپورٹس میں یہ بھی کہا گیاہےکہ حادثہ کےوقت بالٹی مور پل پر زائد از 20 تعمیراتی کارکن موجود تھے۔بریج کے ٹوٹ کر گرنےکےویڈیوز سوشل میڈیا بالخصوص ایکس X (سابقہ ٹوئٹر ) پر بڑے پیمانے پر وائرل ہوئے ہیں۔اس حادثہ کے وقت پر لیے گئے ایک ویڈیو میں جو کہ سوشل میڈیا پر بڑے پیمانے پر شیئر کیا گیا اس لمحہ کو دکھا یا گیا جب جہاز کے ٹکرانے کے بعد 3 کلومیٹر (1.6 میل) طویل بالٹی مور بریج گر گیا۔

ایکس پر وائرل ویڈیوکےمطابق ایسا محسوس ہوتاہے کہ جہاز فرانسس اسکاٹ کے بریج کے ایک حصہ سے ٹکرا گیا تھاجو کہ اس کا وزن سنبھالنے کی غرض سے لگایا گیا تھا۔جس کی وجہ سے بریج کی سڑک کئی جگہوں سے ٹوٹ گئی اور پانی میں غرق ہو گئی۔ویڈیو میں اس حادثہ کے بعد اس جہاز میں آگ لگنے اور اس کے غرق ہونے کا منظر دکھائی دے رہا ہے۔

میری لینڈ کے گورنر ویس مور نے بریج گرنے کے بعد ہنگامی حالت (ایمرجنیس)کا اعلان کردیاہے۔بالٹی مور میں فرانسس سکاٹ کا بریج 1977ء میں کھولا گیا تھا۔یہ دریائے پاٹاپسکو پر پھیلا ہوا ہے جو کہ ایک شہ رگ کی طرح ہے۔بالٹی مور کی بندرگاہ کے ساتھ مشرقی ساحل پر جہاز رانی کا مرکز ہے۔ اس کا نام The Star-Spangled کے مصنف پر رکھا گیاہے۔

بین الاقوامی میڈیا اطلاعات کےمطابق جہاز کی مالک کمپنی گریس اوشین پی ٹی ای لمیٹڈ اورسینرجی میرین گروپ کے مینیجر نے کہاکہ کمپنی کا کنٹینر جہاز ڈلی Dali# جس پر سنگاپور کا قومی پرچم لہرا رہا ہے۔میری لینڈ کے بالٹی مور میں فرانسس اسکاٹ کے بریج کے ایک ستون سے ٹکرا گیا۔
جبکہ اس حادثہ کی اصل وجہ کا تعین ہونا باقی ہے۔انہوں نے مزید کہاکہ جہاز میں سوار دو پائلٹوں سمیت عملے کے تمام ارکان کا پتہ چلالیا گیاہے اور کسی کے زخمی ہونے کی کوئی اطلاع نہیں ہے۔

وہیں الجزیرہ انگریزی کی رپورٹ کے مطابق سنگاپور کی میری ٹائم اینڈ پورٹ اتھارٹی (ایم پی اے) کا کہنا ہے کہ وہ امریکی کوسٹ گارڈ اور اس واقعہ میں ملوث سنگاپور میں رجسٹرڈ جہاز  کی انتظامی کمپنی سے رابطے میں ہے۔اس نے ایک بیان میں کہا فلیگ اسٹیٹ کے طور پرMPA امریکی کوسٹ گارڈ کو اپنی تحقیقات میں مکمل تعاون فراہم کرے گا۔ایم پی اے بھی واقعہ کی تحقیقات کریں گے۔اتھارٹی نے بتایا کہ حادثہ کے وقت ڈالی جہاز میں عملے کے 22 ارکان موجود تھے۔امدادی کارکن ابھی تک اس جہاز پر نہیں جا رہے ہیں، ان کا کہنا ہے کہ انہیں کسی بھی ریسکیورز کو جہاز پر لانے سے پہلے جہاز کی حفاظت کا پتہ لگانا ہوگا۔

دوسری جانب میری لینڈ ٹرانسپورٹیشن اتھارٹی نے X پر اپنے ٹوئٹ میں لکھاہے کہ I-695 کلیدی بریج پر ہونےوالے حادثہ کےبعد بریج کی دونوں سمتوں کی تمام لین ٹریفک کے لیے بند کر دی گئی ہیں۔

⬅️ نیوز اپ ڈیٹ News Update : رات 9 بجے  ➡️

Synergy Marine Group کی جانب سے آج شام دیر گئے(ہندوستانی وقت کے مطابق) جاری کردہ ایک بیان میں اس بات کی تصدیق کی گئی ہےکہ منگل کی صبح بالٹی مور برییج کے ساتھ تصادم میں ملوث کارگو جہاز پر سوار عملے کے تمام 22 ارکان ہندوستانی شہریت کے حامل ہیں۔ یہ واقعہ جو مقامی وقت کے مطابق صبح 1:30 بجے پیش آیا،اس میں سنگاپور کا جھنڈا لگا ہوا کنٹینر جہاز” ڈالی” فرانسس اسکاٹ کی برج کے ستونوں میں سے ایک سے ٹکرا گیا تھا۔

جہاز پر سوار بشمول دو پائلٹ تمام 22 ارکان عملہ کا ہندوستان سے تعلق بیان کے مطابق تصادم کے وقت جہاز پر دو پائلٹ سوار تھے۔ حادثہ کے باوجود زخمی ہونے کی کوئی اطلاع نہیں ہے اور اس واقعہ کے نتیجے میں کوئی آلودگی ریکارڈ نہیں کی گئی ہے۔تصادم کی اصل وجہ کا ابھی تک تعین نہیں کیا جاسکا ہے، حالانکہ جہاز کی کوالیفائیڈ انفرادی واقعہ رسپانس سروس کو متحرک کر دیا گیا ہے۔

Synergy میرین گروپ نے یقین دہانی کروائی ہے کہ عملے کے تمام 22 ارکان بشمول دو پائلٹ محفوظ ہیں۔امریکی کوسٹ گارڈ اور مقامی حکام کو مطلع کر دیا گیا ہے،جہاز کے مالکان اور مینیجرز ایک منظور شدہ منصوبے کے مطابق وفاقی اور ریاستی حکومتی اداروں کے ساتھ مکمل تعاون کر رہے ہیں۔

جہاز "ڈالی” کے متعلق تفصیلات فراہم کرتے ہوئے، Synergy میرین گروپ نے انکشاف کیاکہ اس میں 10,000 TEU (بیس فٹ کےمساوی یونٹ) کی گنجائش ہے،جس میں تصادم کےوقت 4,679 TEU مال لدا ہوا تھا۔گریس اوشین پرائیویٹ لمیٹڈ کی ملکیت والا یہ جہاز بالٹی مور سے سری لنکا کے کولمبو کے لیے روانہ ہوا تھا۔

” یہ بھی پڑھیں ” 

 

تانڈور میں سود کی رقم 1,500 روپئے ادا نہ کرنے پر آٹو ڈرائیور کی پٹائی، فینانسر گرفتار، سوشل میڈیا پر ویڈیو وائرل

 

اتر پردیش کے بجنور میں ہولی کا جشن، مسلم خاندان کے ساتھ نوجوانوں کی شرمناک حرکت، ایف آئی آر درج، چار گرفتار

 

ملک میں انتخابی ضابطہ اخلاق نافذ ہوچکا ہے، اپنے ساتھ 50 ہزار روپئے سے زائد رقم اور زیورات نہ لے جائیں

دبئی کے حکمراں کے نام سے انعامی مقابلہ کی لنک وائرل، واٹس ایپ پر ہیکرز کا نیا جال، لنک کو کلک اور فارورڈ نہ کریں

امیٹھی میں ریلوے ملازمین نے ڈبل انجن کی حامل انسپکشن بوگی کو دھکا دے کر اسٹیشن تک منتقل کیا، سوشل میڈیا پر ویڈیوز وائرل

 

Post Views: 1

Related Posts

ڈاکٹر نصرت مہدی کو ابوظہبی میں بین الاقوامی اعزاز ” سفیر اردو ” سے نوازا گیا

بھوپال کے عالمی تبلیغی اجتماع کا مولانا محمد سعد صاحب کی دعائے خاص کیساتھ اختتام، زائداز 15لاکھ فرزندان توحیدکی شرکت

حیدرآباد ایئر پورٹ پر دُبئی سے پہنچی خاتون مسافر کے قبضہ سے 12 کروڑ مالیتی 12 کلوخشک گانجہ ضبط، خاتون گرفتار

About سحر نیوز

View all posts by سحر نیوز →