سوشل میڈیا وائرل / قومی خبریں

امیٹھی میں ریلوے ملازمین نے ڈبل انجن کی حامل انسپکشن بوگی کو دھکا دے کر اسٹیشن تک منتقل کیا، سوشل میڈیا پر ویڈیوز وائرل

- by سحر نیوز

امیٹھی میں ریلوے ملازمین نے ڈبل انجن کی حامل انسپکشن بوگی کو
دھکا دے کر اسٹیشن تک منتقل کیا، سوشل میڈیا پر ویڈیوز وائرل

امیٹھی : 22۔مارچ
(سحرنیوزڈاٹ کام/سوشل میڈیا ڈیسک)

عام طور پر سڑکوں پر اچانک تکنیکی خرابی یا پٹرول ڈیزل ختم ہوجانے کے باعث مختلف گاڑیوں کو ڈھکیلا جاتاہے یا چند گاڑیوں کو دھکا دے کر انہیں اسٹارٹ کیا جاتا ہے۔ایسے نظارے تو ہر مقام پر عام اور معمول کی بات ہیں۔کیا آپ نے کسی ٹرین کے ایک کوچ کو دھکا دیتے ہوئے لے جانے والا منظر دیکھا ہے۔؟ تو جواب یقیناً نہیں میں ہوگا۔!!لیکن اتر پردیش کے امیٹھی کے دو ایسے ویڈیوز جوکہ 35 سیکنڈ کا ایک اور ایک ویڈیو ایک منٹ 29 سیکنڈ پر مشتمل ہےسوشل میڈیا پر وائرل ہوئے ہیں جس میں دیکھا جاسکتا ہےکہ ریلوے عملہ ایک تکنیکی خرابی کے باعث رک جانے والی ایک انجن پرمشتمل بوگی کو دھکا لگا کر لے جا رہے ہیں۔

میڈیا اطلاعات کے مطابق ایک ڈی پی سی بوگی جو کہ انجن کی حامل ہے (اس ایک انجن والی بوگی کو بنیادی طور پر ریلوے عہدیدار معائنہ کے لیے استعمال کرتے ہیں) نہال گڑھ ریلوے اسٹیشن کے قریب اہم ریلوے ٹریک پر خراب ہوکر رک گئی۔جس کےباعث اس ٹریک پر ٹرینوں کی آمد و رفت میں معمولی تاخیر ہوئی۔اس واقعہ کی اطلاع کےفوری بعد ریلوے ملازمین کو اس بوگی کو ڈھکیل کراسٹیشن تک لانےکےلیے تعینات کیا گیا۔

اطلاعات کےمطابق یہ واقعہ اس وقت پیش آیا جب دونوں جانب انجن پرمشتمل انسپکشن کوچ سلطان پور سے لکھنؤ جا رہی تھی۔ریلوے کے میکانک عملہ کی جانب سے کوشش کے باوجود اس انسپکشن کوچ کی جائے مقام پر ہی مرمت نہیں ہوسکی جس کےبعد ریلوے ملازمین نے اسے مین لائن سے ڈھکیل کر لوپ لائن پر منتقل کر دیا۔

میڈیا رپورٹس کےمطابق اس واقعہ کےمتعلق ریلوے پروٹیکشن فورس RPF# کے انسپکٹر آر ایس شرما نے بتایاکہ ایک DPC# ٹرین جسے ریلوے کے عہدیدار معائنہ کی غرض سے استعمال کرتے ہیں،جمعرات کو نہال گڑھ ریلوے اسٹیشن کے قریب بند ہوگئی،جس کے بعد ریلوے ملازمین کو اسے اسٹیشن تک ڈھکیل کر منتقل کرنے کے لیے کہاگیاتھا۔اس کے بعد اس میں پیدا ہونے والی خرابی کی مرمت کی گئی بعدازاں یہ کوچ اس کی منزل کی سمت روانہ کر دیا گیا۔

اس انوکھے اور شاذ و نادر دیکھے جانے والے منظر کے دو الگ الگ زاویوں سے لیےگئے ویڈیوز سوشل میڈیا پر وائرل ہوئے ہیں جوکہ ریلوے گیٹ پر لیےگئے ہیں۔ان میں دیکھاجاسکتاہے کہ کئی ملازمین ریلوے اس انجن والی ٹرین کی بوگی کو  پیچھےسے ڈھکیل کر ریلوے اسٹیشن کی جانب لے جا رہے ہیں۔جبکہ آگے کی جانب انجن کی لائٹ جل رہی ہے۔اور ریلوے گیٹ کی دونوں جانب ٹریفک کو روک دیا گیا ہے۔

سابق چیف منسٹر اتر پردیش و سماج وادی پارٹی سربراہ اکھلیش یادو نے اس واقعہ کا ویڈیو ٹوئٹ کرتےہوئے ایکس X (سابقہ ٹوئٹر) پر لکھا ہے کہ
” وزیر ریلوے کو فوری بلاؤ
ان سے بھی دھکا لگواؤ
لگتا ہے بی جے پی کی ڈبل انجن کی سرکار میں آج الیکٹورل بانڈ کا ایندھن نہیں پڑا،تبھی امیٹھی کے نہال گڑھ کے کراسنگ پر لوگ دھکا لگانے پر مجبور ہیں۔”

 

" یہ بھی پڑھیں "

دہلی کے چیف منسٹر اروند کیجریوال کو شراب اسکام معاملہ میں ای ڈی نے گرفتار کرلیا

 

دبئی کے حکمراں کے نام سے انعامی مقابلہ کی لنک وائرل، واٹس ایپ پر ہیکرز کا نیا جال، لنک کو کلک اور فارورڈ نہ کریں

 

 

ملک میں انتخابی ضابطہ اخلاق نافذ ہوچکا ہے، اپنے ساتھ 50 ہزار روپئے سے زائد رقم اور زیورات نہ لے جائیں

 

تلنگانہ کے ورنگل ضلع میں آئس کریم فروش کی جانوروں سے بدتر حرکت، سوشل میڈیا پر ویڈیو وائرل ہونے کے بعد کالو رام کربیا گرفتار

 

Related Posts

فرید آباد میں حاجی اختر خان نے الوک شرما کا 16 لاکھ روپئے مالیتی سونا واپس کر دیا

تلنگانہ میں بھی اب فوڈ جہاد! میڈارم جاترا میں کھویا بن بیچنے والے شاہ ولی کو یوٹیوب چینل کی شدید ہراسانی، ہر طرف سے مذمت

وقارآباد ضلع میں بیٹی نے نشہ آور انجکشن دے کر اپنے ہی والدین کا قتل کردیا، درندوں کو بھی شرمندہ کر دینے والی بیٹی گرفتار

About سحر نیوز

View all posts by سحر نیوز →