تراویح کی نماز کے دؤران بلی امام کے کندھے پر چڑھ گئی، نماز میں کوئی خلل نہیں، سوشل میڈیا پر ویڈیو کی سونامی

 تراویح کی نماز کے دوران بلی امام کے کندھے پر چڑھ گئی
نماز میں کوئی خلل نہیں، سوشل میڈیا اور میڈیا پر ویڈیو کی سونامی
ٹوئٹر پر الجزائر کی مسجد کے ویڈیو کو 3 ملین سے زائد افراد نے دیکھا

حیدرآباد: 07/اپریل
(سحر نیوز/سوشل میڈیا ڈیسک/یحییٰ خان)

گزشتہ دو تین دنوں سے سوشل میڈیا کے مختلف پلیٹ فارمز پر ایک ویڈیو کی سونامی آئی ہوئی ہے۔جسے دیکھ کر نہ صرف مسلمان تعریف کررہے ہیں بلکہ غیرمسلم برادری بھی اس ویڈیو کی جم کر ستائش میں مصروف ہے۔ تراویح کی نماز کے دؤران امام صاحب کے کندھے پر چڑھ جانے والی بلی اور اس کے باؤجود امام صاحب کی جانب سے نماز کو بدستور جاری رکھنے والا یہ ویڈیو سوشل میڈیا پر بہت زیادہ وائرل ہوا ہے اور اسے اب تک کروڑہا افراد دیکھ چکے ہیں۔

اس ویڈیو کو ٹوئٹر پر کویت میں مقیم العتیقی https://twitter.com/BinImad کےٹوئٹرہینڈل سے 5 اپریل کو ٹوئٹ کیا گیا ہے۔جن کے 1,846 فالوورز ہیں.لیکن حیرت انگیز بات یہاں یہ ہے ان کی جانب سے ٹوئٹ کیے گئے اس ویڈیو کو ٹوئٹر پر اب تک 31 لاکھ سے زائد سوشل میڈیا صارفین نے دیکھاہے اور اس ویڈیو کو 23,000 سے زائد ٹوئٹر صارفین نے ری۔ٹوئٹ (شیئر) کیا ہے۔جبکہ اس ویڈیو کو 59،000 سے زائد لائیک حاصل ہوئے ہیں۔

وہیں مختلف زبانوں کے کئی بین الاقوامی، قومی اور دیگر میڈیا اداروں نے اس ویڈیو کو ٹوئٹر،فیس بک اور انسٹاگرام پر اپنی جانب سے کیاپشن کے ساتھ پوسٹ کیا ہے۔جہاں لاکھوں افراد اس ویڈیو کو دیکھ کر اس منظر کی زبردست ستائش کر رہے ہیں۔وہیں کئی اہم و نامور ملکی و غیر ملکی ویب سائٹ سائٹس پر بھی اس وائرل شدہ ویڈیو پر خصوصی رپورٹس لکھی گئی ہیں۔یہ ویڈیو واٹس ایپ پربھی تیزی کے ساتھ وائرل ہے۔

اس دلنشین ویڈیو کو دیکھ کر محسوس ہوتا ہے کہ یہ بلی امام صاحب/حافظ صاحب کی پالتو بلی ہے۔اس ویڈیو میں امام صاحب مائیک پر تراویح کی نماز پڑھارہے ہیں اور ان کے پیچھے نمازیوں کی صفیں ہیں۔امام صاحب کے سامنے موجود کیمرہ میں قید اس منظر میں دیکھا جاسکتا ہے کہ نماز میں قیام کے دؤران ایک بلی اچانک سامنے سے آجاتی ہے اور امام صاحب کے کپڑوں کو پکڑتے ہوئے ان کے ہاتھوں تک پہنچتی ہے۔امام صاحب اس بلی کو اپنے ہاتھوں کی مدد سے تھام لیتے ہیں اور امام صاحب کی مدد سے وہ ان کے کندھے پر چڑھ جاتی ہے۔

بلی کی اس طرح اچانک آمد اور ان کے کندھے پر چڑھ جانے سے بے نیاز امام صاحب بدستورتلاوت/نماز تراویح پڑھانےمیں مصروف ہیں اور یہ بلی اپنی دم ہلاتے ہوئے مصلیوں کا جائزہ لے کر امام صاحب کے چہرہ کی جانب پلٹتی ہے اور غور سے اس ویڈیو کو دیکھا جائے تو محسوس کیا جاسکتا ہے کہ یہ بلی امام صاحب کے گال پر بوسہ لے کر خود بخود امام صاحب کے کندھے سے نیچے فرش پر کود کر چلی جاتی ہے۔

العتیقی Alateeqi@کے ٹوئٹر ہینڈل سے ٹوئٹ کیےگئے اس 28 سیکنڈ کے ویڈیو کےمتعلق انہوں نے یہ نہیں لکھا کہ یہ کس ملک اور کس شہر کی مسجد کا ویڈیو ہے۔انہوں نے اس ویڈیو کے انگریزی کیاپشن میں لکھا ہے کہ” نماز تراویح (قیام) کے دوران بلی امام پر چھلانگ لگاتی ہے۔اور وہ بالکل کسی امام کی طرح برتاؤ کرتے ہیں۔”

” اردو نیوز جدہ کے مطابق یہ واقعہ الجزائر کےشمال میں برج بوعریریج کی مسجد ابوبکر صدیق کے امام شیخ ولید مہساس کےساتھ پیش آیا ہے۔”

العتیقی کے اس ویڈیو ٹوئٹ پر کئی ٹوئٹر صارفین بالخصوص عیسائیوں نے دلکش کمنٹس کیے ہیں اور پوچھاہے کہ” کیا بلی اسلام میں جائز ہے کیونکہ ہم نے سنا ہے کہ کتا پالنا اسلام میں حرام ہے۔ان کے کئی سوالات کا مختلف ممالک کے مسلم ٹوئٹر صارفین نے بہترین طریقہ سے قابل اطمینان جوابات بھی دئیے ہیں۔

پرشین بلیوں PersianCats# کی پرورش اور ان کے متعلق چند معلومات :-

سوال : کیا گھر میں شوقیہ بلی کو پال سکتے ہیں؟وہ گھر میں بھی رہتی ہے،جائے نماز پر آتی ہے،اس کو اپنے ساتھ لگانا کیا یہ سب ٹھیک ہے۔؟

جواب: "بلی کو پالنا جائز ہے،اس میں شرعاً کوئی حرج نہیں۔اگر بلی کے بدن پر کوئی نجاست نہ لگی ہو اور وہ مصلے پر بیٹھ جائے، یا مصلے سے اپنا بدن مس کرے تو اس سےمصلیٰ ناپاک نہیں ہوگا۔اور اگر اس کے بدن پر نجاست لگی ہوتو وہ مصلی ناپاک ہوجائے گا اور اس کو دھونا ضروری ہوگا۔اسی طرح بلی کو اپنے ساتھ لگانے میں بھی یہی تٖفصیل ہےکہ اگر اس کے بدن پر ظاہری نجاست نہیں ہے تو اس کو اپنے بدن پر لگانے سے بدن ناپاک نہیں ہو گا،البتہ اگر وہ انسان کے بدن کو چاٹ لے تو نماز پڑھنے سے پہلے اس کو دھو لینا چاہئے۔”
(فتوی نمبر : 144008201317 /دارالافتاء : جامعہ علوم اسلامیہ علامہ محمد یوسف بنوری ٹاؤن،پاکستان)

اسلامی ممالک میں بلیاں پالنے کا رواج عام ہے۔اب تو ہندوستان،حیدرآباد اور تلنگانہ کے اضلاع میں بھی کئی گھروں میں پرشین(فارسی) بلیاں Persian Cats# شوق سے پالی جارہی ہیں۔جن کی قیمت ہزاروں روپئے ہوتی ہے۔اور ان کا کھانا پینا بھی بہت مہنگا ہوتا ہے۔یہ کہا جائے تو غلط نہ ہوگا کہ ان پرشین بلیوں کی غذاء عام بلیوں سے الگ ہوتی ہے اور ان کی غذاء آن لائن یا پھرمخصوص دُکانات سے خریدنا ہوتا ہے۔

پرشین بلیاں پیدائشی طور پر ہی تربیت یافتہ ہوتی ہیں جو کہ حوائج ضروریہ کےلیے انسانوں کی طرح وہ بھی باتھ روم کا استعمال کرتی ہیں۔ شاید یہی وجہ ہے کہ بالخصوص مسلمانوں میں پرشین بلیوں کو بڑے شوق سے پالا جانے لگا ہے۔

یہ بلیاں گھر کے فرد کی طرح محسوس ہوتی ہیں اور ان کا رویہ بھی اپنے مالکین کےساتھ بچوں جیساہوتا ہے۔ان کے جسم پر گھنے،نرم اور ملائم بال بہت زیادہ ہوتے ہیں۔ان بلیوں کی پرورش بھی بالکل خاندان کے ایک فرد کی حیثیت سے کی جاتی ہے۔ان کے بہتر کھانے پینےکے ساتھ ساتھ ان کے بیمار پڑ جانے پر ان کا علاج معالجہ بھی بڑی ہی ذمہ داری کے ساتھ کر وایا جاتا ہے۔ان کے لیے حیوانات کے ڈاکٹرس وہی ادویات تجویز کرتے ہیں جو کہ انسانی بچوں کے لیے کی جاتی ہیں۔!!

دوسری جانب پاکستان کے اردو روزنامہ ” اوصاف ” کی ویب سائٹ پر 17 اگست 2020ء کو تحریر کردہ ایک تفصیلی اور طویل مضمون میں یہ انکشاف کیا گیا ہےکہ” ماہرین کے مطابق بلی کے لمس میں” اللہ نے ڈپریشن کے مرض کا علاج رکھا ہے،اس کے بالوں میں خاص قسم کے بیکٹیریا پائے جاتے ہیں جو انسانی جسم میں ڈپریشن کو کم کرنے میں مدد دیتے ہیں۔”چنانچہ پالتو بلی کو اپنے ساتھ لپٹا کر بٹھایا اور سلایا جائے،یہ نہ صرف آپ کی بلی کو خوش کرے گا بلکہ آپ کو ڈپریشن سے بھی نجات دلائے گا۔”

اس ویڈیو کو بین الاقوامی میڈیا ادارہ بروٹ Brut India# کی جانب سے انسٹاگرام پر کل 6 اپریل کو پوسٹ کیا گیا ہے جہاں زائد از دیڑھ ملین صارفین نے اس ویڈیو کو دیکھا ہے اور ایک لاکھ 40 ہزار سے زائد نے لائیک کیا ہے۔1،600 سے زائد نے مختلف کمنٹس کیے ہیں۔

View this post on Instagram

A post shared by Brut India (@brut.india)

اسی طرح انسٹاگرام پر ہی Jist.news@نے بھی کل اس ویڈیو کو انگریزی سرخیوں کے ساتھ پوسٹ کیاہے۔ جسے  دیڑھ لاکھ سے زائد صارفین نے دیکھا ہے۔

بی بی سی اردو نے بھی اس ویڈیو کو کل انسٹاگرام پر پوسٹ کرتے ہوئے لکھا ہے کہ ” یہ اس لمحے کی ویڈیو ہے جب نمازِ تراویح کی لائیو براڈ کاسٹ کے دوران ایک بلی امام مسجد کے کندھے پر چڑھ گئی اور وہ تلاوت کے ساتھ ساتھ اسے ہاتھ سےسہارا دیتے رہے تاکہ بلی نیچے نہ گر جائے۔  😻🐱

Yahiya Khan

https://www.instagram.com/khan_yahiya276/ : Instagram 

https://www.facebook.com/khanyahiya276 : Facebook 

https://twitter.com/khanyahiya : Twitter

persiancat#
Imam#
namaz#
tarawih#
masjid#
aljazair#
trendingvideo#
viralvideo#