کانپور میں سڑک کے کنارے سوئے ہوئے بیوپاری کا
موبائل فون چوری کرنے والا پولیس کانسٹیبل خدمات سے معطل
کانپور: 10۔اکتوبر(سحرنیوزڈاٹ کام/ایجنسیز)
پولیس کا کام عوام کی جان و مال کی حفاظت کرنا ہوتا ہے۔لیکن گزشتہ چندسال سےایسا لگتا ہے کہ ملک کی چند ریاستوں میں چند پولیس ملازمین اپنے اس دستوری فریضہ کوبھول چکے ہیں؟جس دستور کی قسم کھاکر وہ عہد لیتے ہیں کہ وہ کسی بھی مذہبی،علاقائی اور ذات پات کےبھیدبھاؤ سے اوپر اٹھ کر اپنی خدمات انجام دیں گے۔
ریاست اترپردیش کا ایک ایسا ویڈیو سوشل میڈیا پر وائرل ہوا ہے،جس میں دیکھاجاسکتاہے کہ گشت کے دؤران دو پولیس کانسٹیبل ایک مقام پر رک جاتے ہیں۔ان میں سے ایک کانسٹیبل سڑک کے کنارے سوئے ہوئے ایک شخص کے قریب جاتا ہے اور اس کی جیب سےموبائل فون چوری کرنےکےبعد دونوں پولیس کانسٹیبل وہاں سے چپ چاپ روانہ ہوجاتے ہیں۔اتفاق سے یہ منظر قریب ہی موجود ایک سی سی ٹی وی کیمرہ میں قید ہوگیا۔جس کے بعد اس پولیس کانسٹیبل کو خدمات سے معطل کردیا گیا۔
اس ویڈیو کو ⬇️ سوربھ شکلا نے ٹوئٹر پر پوسٹ کیا ہے۔جسے کلک کرکے دیکھا جاسکتا ہے۔
https://twitter.com/Saurabh_Unmute/status/1579143014097637377
