اب تبلیغی جماعت کے کسی بھی پروگرام اور میڈیا سرگرمی کے لیےمرکزی حکومت سے لینا ہوگا اجازت
نئی دہلی 5۔مارچ (سحرنیوزڈاٹ کام)
بی جے پی کی قیادت والی مرکزکی این ڈی اے حکومت نے غیرمقیم ہندوستانیوں Overseas Citizen Of India کیلئے یہ لزوم عائد کردیا ہے کہ تبلیغی جماعت کے کسی بھی پروگرام یا میڈیا سرگرمیوں میں حصہ لینے کے لیے اگرہندوستان آتے ہیں تواب انہیں اسکے لیے مرکزی حکومت سے اجازت حاصل کرنی ہوگی۔
ایسا ہی لزوم مشنری سرگرمیوں کیلئے بھی عائد کیا گیا ہے کہ غیر مقیم ہندوستانیوں( او سی آئی ) کو اب تبلیغی یا مشنری سرگرمیوں میں حصہ لینے سے قبل مرکزی حکومت سے خصوصی اجازت حاصل کرنا ہوگا۔
وزارت داخلہ کے جاری کردہ نوٹیفکیشن میں کہا گیا ہے کہ او سی آئی کارڈ ہولڈرس کسی بھی مقصد سے ہندوستان میں سفر کرنے کے لیےتاحیات ایک سے زیادہ انٹر پرمٹ ویزا حاصل کرنے کے حقدار ہونگے۔
تحقیق یا کسی مشنری یا تبلیغی یا میڈیا سے متعلق سرگرمیوں میں شامل ہونے کیلئے انہیں ہندوستانی سفارتخانے سے خصوصی اجازت لینی ہوگی۔
اوسی آئی کارڈ ہولڈرز کو ہندوستان میں غیر ملکی سفارت خانے، غیر ملکی سرکاری تنظیموں یا ہندوستان میں غیر ملکی سفارت خانے میں ملازمت کرنے اور ایسی جگہ کا دورہ کرنے کے لیے یا تربیت حاصل کرنے کیلئے مرکزی حکومت سے خصوصی اجازت حاصل کرنا ہوگا۔
