حیدرآباد ایئرپورٹ دو مسافروں کے قبضہ سے ایک کروڑ روپئے مالیتی سونا ضبط

حیدرآباد ایئرپورٹ دو مسافروں کے قبضہ سے ایک کروڑ روپئے مالیتی سونا ضبط

حیدرآباد : 18۔جولائی (سحرنیوزڈاٹ کام)

محکمہ کسٹمز ،راجیو گاندھی انٹرنیشنل ایئر پورٹ(شمس آباد ایئر پورٹ)حیدرآباد کے عہدیداروں کے مطابق کل 17 جولائی کو شبہ کی بنیاد پر تلاشی کے بعد دو علیحدہ علیحدہ کیسیس میں دو مسافروں کےقبضہ سے ایک کلو 725 گرام سونا ضبط کرلیا گیاہے،جسے اسمگل کیاجارہاتھا۔عہدیداروں کے مطابق اس ضبط شدہ سونا کی قیمت ایک کروڑ روپئے تین ہزار روپئے ہے۔دونوں مسافرین کےخلاف کیس درج رجسٹرکرکے اس سلسلہ میں مزیدتحقیقات جاری ہیں۔

اس طرح حیدرآباد کے راجیو گاندھی انٹرنیشنل ایئر پورٹ (شمس آباد ایئر پورٹ) پر وقفہ وقفہ سے بڑے پیمانے پر سونا کی ضبطی کا سلسلہ ہنوز جاری ہے۔
یاد رہے کہ 5 جولائی کو راجیو گاندھی انٹرنیشنل ایئر پورٹ پرمحکمہ کسٹمز کے عہدیداروں نے چار الگ الگ کارروائیوں میں دومسافرین کےقبضہ سے 2 کلو 279 گرام سونا ضبط کرلیاتھا۔جس کی مالیت ایک کروڑ 37 لاکھ روپئے بتائی گئی تھی۔اورساتھ ہی دیگر تین مسافرین کےقبضہ سے ایک کروڑ ایک ہزار روپئے مالیتی سگریٹ کی اسٹکس ضبط کی گئ تھیں۔

جبکہ 2 جولائی کو محکمہ کسٹمز، حیدرآباد ایئر پورٹ کے عہدیداروں نے جمہوریہ برونڈی کی شہری ایک 43 سالہ خاتون مسافرجو نیروبی سے براہ شارجہ حیدرآباد پہنچی تھی کے قبضہ سے 2027 گرام ہیروئن (منشیات) ضبط کر لی تھی۔جس کی قیمت بین الاقوامی مارکیٹ میں 14 کروڑ 20 لاکھ روپے بتائی گئی تھی۔بعدازاں اس خاتون کو گرفتار کر کے عدالت میں پیش کرنے کے بعد جیل بھیج دیا گیا تھا۔

حیدرآباد ایئر پورٹ پر 5 مسافروں کے قبضہ سے ایک کروڑ 37 لاکھ مالیتی دو کلو سونا اور ایک کروڑ روپئے مالیتی ایک لاکھ سگریٹ اسٹک ضبط

حیدرآباد ایئر پورٹ پر شارجہ سے آنے والی خاتون مسافر کے قبضہ سے 14 کروڑ 20 لاکھ روپئے مالیتی دو کلو سے زائد ہیروئن ضبط