آج 8 اپریل کو جاریہ سال کا پہلا مکمل سورج گرہن، کن مماملک میں کب نظر آئے گا؟ سورج گرہن کا دورانیہ کتنا ہوگا؟

آج 8 اپریل کو جاریہ سال کا پہلا مکمل سورج گرہن، کن مماملک میں کب نظر آئے گا؟
سورج گرہن کا دورانیہ کتنا ہوگا؟ ناسا کی جانب سے لائیو ٹیلی کاسٹ کا اہتمام

حیدرآباد: 08۔اپریل
(سحر نیوز ڈاٹ کام/سوشل میڈیا ڈیسک)

جاریہ سال 2024 کا پہلا مکمل سوج گرہن آج 8 اپریل ،بروز پیر واقع ہوگا۔یہ سورج گرہن شمالی امریکہ، بحرالکاہل، بحر اوقیانوس،اٹلانٹک،مغربی یورپ اور شمالی جنوبی امریکہ کے ماہرین فلکیات کے لیے ایک شاندار فلکیاتی نظارہ ہونے کی توقع ہے۔تاہم  یہ مکمل سورج گرہن ہندوستان میں نظر نہیں آئے گا۔

timeanddate.com کے مطابق 8 اپریل کو چاند گرہن ہندوستانی معیاری وقت کےمطابق تقریباً رات 9:12 بجے سے شروع ہوگا اور ہندوستانی معیاری وقت کے مطابق 9 اپریل (نصف شب کے بعد ہندوستانی معیاری وقت کے مطابق تقریباً 2:22 بجے اختتام پذیر ہوگا۔ہندوستان میں رات ہونے کے باعث اس سورج گرہن کا مشاہدہ نہیں کیا جاسکے گا۔البتہ مغربی یورپ، جنوبی امریکا، اٹلانٹک سمیت دیگر مقاما ت پر یہ سورج گرہن دکھائی دے گا۔

جیو نیوز پاکستان کی رپورٹ کے مطابق اس سورج گرہن کا مشاہدہ شمالی امریکی ممالک جیسے میکسیکو، امریکہ اور کینیڈا میں کیا جا سکے گا۔اگست 2017 کے بعد یہ پہلا موقع ہوگا جب امریکہ میں مکمل سورج گرہن کا مشاہدہ کیا جائے گا اور آئندہ مکمل سورج گرہن اس خطے میں اگست 2044 میں واقع ہوگا۔دنیا میں آخری مرتبہ ڈسمبر 2021ء میں مکمل سورج گرہن واقعہ ہوا تھا لیکن اس کا مشاہدہ صرف انٹارٹیکا میں کیا گیا تھا۔مانا جارہا ہے کہ 8 اپریل کو واقع ہونے والا سورج گرہن 50 سال بعد سب سے طویل سورج گرہن ہوگا۔

آج 8 اپریل 2024 کو واقع ہونے والے اس سورج گرہن کا آغاز میکسیکو سے ہوگا جہاں سے شمال مشرقی سمت میں امریکا کی جانب سے سفر کرتا ہوا کینیڈا کےمشرقی صوبوں میں اختتام پذیر ہوگا۔اندازہ ہے کہ اس سورج گرہن کاصرف امریکہ میں ہی 3 کروڑ 30 لاکھ افراد مشاہدہ کر سکیں گے۔

امریکی خلائی ادارے ناسا کے مطابق 8 اپریل کو ہونے والے مکمل سورج گرہن کا دورانیہ ساڑھے تین منٹ سے 4 منٹ تک کا ہوگا۔ماہرین فلکیات کے مطابق چاند اچانک سورج کے سامنے نہیں آتا بلکہ جزوی گرہن سے اس عمل کا آغاز ہوتا ہے جس سے سورج ہلال کی طرح نظر آنے لگتا ہے۔اس جزوی سورج گرہن کا دورانیہ 70 منٹ سے 80 منٹ تک ہوگا۔

امریکہ کی 15 ریاستوں میں مکمل سورج گرہن (یعنی چاند 100 فیصد سورج کے سامنے آجائے گا) کا مشاہدہ 4 منٹ 20 سیکنڈ تک کیا جا سکے گا۔

میکسیکو امریکہ اور کینیڈا کے جو علاقے سورج گرہن کے راستے میں نہیں ہوں گے،وہاں کے رہائشی جزوی گرہن کا مشاہدہ کرسکیں گےجس میں چاند صرف سورج کے چہرے کو بلاک کرتاہے۔مکمل سورج گرہن کے دوران آسمان تاریک ہوجاتا ہے اور روشن ستارے یا سیارے جگمگاتے نظر آتے ہیں جبکہ فضا کا درجہ حرارت گھٹ جاتا ہے۔اچانک تاریکی چھانے سے جانور بھی خاموش ہو جاتے ہیں اور سورج کا باہری گرم مرکز کورونا نظر آنے لگتا ہے۔

اس وقت کے دوران، چاند، زمین اور سورج کے درمیان سے گزرے گا، سیارے پر اپنا سب سے گہرا سایہ ڈالے گا۔ جسے Umbra کہا جاتا ہے۔جس کے نتیجے میں مکمل سورج گرہن ہوگا۔جب چاند سورج کے سامنے سے گزرتاہے توہمارے نظام شمسی کی شعاعوں سے چاند کے کونے جگمگاتے محسوس ہوتے ہیں مگر مکمل گرہن کے ساتھ جگمگاہٹ غائب ہو جاتی ہے۔

خیال رہے کہ سورج گرہن کے مکمل مرحلے کے دوران براہ راست سورج کی جانب دیکھنا بینائی کے لیے تباہ کن ثابت ہوتا ہے۔آنکھ کو شدید نقصان پہنچ سکتا ہے۔آنکھوں کی خصوصی حفاظت، جیسے سورج گرہن کے شیشے یا شمسی فلٹرز والی دوربینیں، محفوظ دیکھنے کے لیے تجویز کی جاتی ہیں۔اس سے ہٹ کر جزوی گرہن کامشاہدہ دوربینوں یا شمسی عینک سے کیا جاناضروری ہوتا ہے۔اگلا مکمل سورج گرہن اگست 2026 میں ہوگا جو گرین لینڈ، آئس لینڈ، اسپین اور پرتگال جیسے ممالک میں نظر آئے گا۔

ہندوستان میں جو لوگ رات کے وقت ہونےوالے اس مکمل سورج گرہن کو ذاتی طور پر دیکھنے سے قاصر ہیں، ناسا اپنے آفیشل یوٹیوب چینل اور سوشل میڈیا پلیٹ فارمز پر مکمل سورج گرہن کا لائیو ٹیلی کاسٹ فراہم کرے گا۔جس کا آغاز ہندوستانی معیاری وقت کے مطابق 8 اپریل کی رات ساڑھے دس بجے سے اس کا مشاہدہ کیا جاسکتا ہے۔

دوسری جانب آج 8 اپریل کو واقع ہونےوالے اس مکمل سورج گہن کےسلسلہ میں سوشل میڈیا پر مختلف پوسٹس وائرل ہیں جو عوام کو خوفزدہ کرنے میں مصروف ہیں۔!!

26 جون 2020ء کو پاکستان کے نامور اردو ڈان نیوز میں شائع ایک رپورٹ کے مطابق یہ روایت تو صدیوں سے چلتی آ رہی ہے کہ جب بھی کوئی فلکیاتی موقع ہوتاہے تو نجومی عوام میں خوف و ہراس پھیلاکر ان کی توجہ اپنی طرف کرنے کی کوشش میں لگے رہتے ہیں اور ان کے ساتھ جب میڈیا بھی مل جائے تو کام مزید آسان ہوجاتا ہے۔ایسا ہی کچھ آج کل سوشل میڈیا پر دیکھنے کو مل رہا ہے۔!!

اس تفصیلی مضمون کی لنک یہاں پیش ہے :-

https://www.dawnnews.tv/news/1135287/

” یہ بھی پڑھیں "

انڈیگو ایئر کے پائلٹ نے اپنے دادا کو پہلی مرتبہ فلائٹ میں سفر کروایا، دادی اور ماں بھی چنئی سے کوئمبتور تک کے سفر میں ساتھ،جذباتی ویڈیو وائرل

نیویارک انتظامیہ، خواتین کی تصویر کشی کے لیے حجاب اتارنے پر مجبور کرنے پر 145 کروڑ روپئے ادا کرے گا