تلنگانہ میں ٹی آر ایس کے چار ایم ایل ایز کی خریدی کا معاملہ، تینوں ملزمین 14 دنوں کی عدالتی تحویل میں روانہ ، چنچل گوڑہ جیل منتقل

تلنگانہ میں ٹی آر ایس کے چار ایم ایل ایز کی خریدی کا معاملہ
تینوں ملزمین 14 دنوں کی عدالتی تحویل میں روانہ، چنچل گوڑہ جیل منتقل

حیدرآباد:29۔اکتوبر(سحرنیوزڈاٹ کام)

حیدرآباد۔وقارآباد،بیجاپور نیشنل ہائی وے پر موجودمعین آباد منڈل کے عزیز نگر کے پی وی آر فارم ہاوز میں ٹی آر ایس پارٹی کے چار ارکان اسمبلی کو بی جے پی میں میں شامل کرنے کی کوشش کے دؤران کمشنر پولیس سائبرآباد اسٹیفن رویندراکی قیادت میں پولیس نے فارم ہاؤز پر دھاوہ منظم کرتے ہوئے بی جے پی کے تین ایجنٹوں رام چندرا بھارتی،عرف ستیش شرما(فرید آباد)،سوامی سمہا جیولو (تروپتی) اورحیدرآبادکےساکن نندو بھارتی کو اپنی تحویل میں لیا تھا۔

بعدازاں رکن اسمبلی پائلٹ روہت ریڈی کی شکایت پر پولیس نے باقاعدہ ایک کیس درج رجسٹر کرتےہوئے مذکورہ بالا تینوں ایجنٹوں کو گرفتار کیاتھا۔تاہم اے سی بی کی عدالت نے انہیں پہلے سی آر پی سی کی نوٹس حوالے کرتےہوئے تفتیش کےبعد گرفتار کرنے کی ہدایت دی تھی۔اور ساتھ ہی ان تین تینوں کو حکم دیا تھا کہ وہ حیدرآباد سے باہر نہ جائیں۔جسے پولیس نے ہائی کورٹ میں چیلنج کیا تھا۔جس پر آج تلنگانہ ہائی کورٹ کے حکم کے بعد سائبرآباد پولیس نے ان تینوں کو شیخ پیٹ کی رہائش گاہ سے گرفتار کرلیا۔

بعدازاں انہیں اینٹی کرپشن بیورو (اے سی بی) کی عدالت میں ریمانڈ رپورٹ کےساتھ پیش کیاگیا۔آج رات دیرگئے معزز جج نے ان تین ایجنٹوں رام چندرا بھارتی،عرف ستیش شرما(فرید آباد) ،سوامی سمہا جیولو (تروپتی) اور حیدرآباد کےساکن نندو بھارتی کو 14 دنوں کے لیے عدالتی تحویل میں بھیج دیا ۔اس طرح یہ تینوں 11 نومبر تک چنچل گوڑہ جیل میں رہیں گے۔

ان تینوں کے وکیل کی جانب سے ان کی عدالتی ریمانڈ کو روکنے کی درخواست کو اے سی بی عدالت کے معزز جج نےمسترد کردیا۔وہیں پولیس نے عدالت سے درخواست کی تھی کہ ان تینوں کو تفتیش کے لیے سات دنوں کی پولیس تحویل میں دیا جائے تاہم عدالت نے اس درخواست کو قبول نہیں کیا۔

قبل ازیں ہائی کورٹ کے حکم کے بعد ان تینوں کو گرفتار کرتے ہوئے سائبرآباد پولیس نے معین آباد پولیس اسٹیشن منتقل کرتے ہوئے ان کا بیان درج کیا۔بعدازاں ان تینوں کی چیوڑلہ کےسرکاری ہسپتال میں طبی جانچ کروائی گئی اور آج رات دیر گئے سرورنگر میں موجود اے سی بی کی خصوصی عدالت کے معزز جج کی رہائش گاہ پر ان کے روبرو پیش کیا گیا۔جس پر معزز جج نے ان تینوں کو 14 دنوں کی عدالتی تحویل کا حکم صادر کیا ۔بعدازاں ان تینوں کو پولیس نے چنچل گوڑہ جیل منتقل کردیا۔

” اس سارے معاملہ سے متعلق ویڈیوز اور تفصیلات ان لنکس پر دیکھی جاسکتی ہیں ” :-

تلنگانہ میں ٹی آر ایس پارٹی کے چار ارکان اسمبلی کو خریدنے کا پردہ فاش!،گرفتار شدہ تین افراد کا بی جے پی سے تعلق! ٹی آر ایس کا الزام

تلنگانہ کے چار ایم ایل ایز کے فارم ہاؤز شکار کا نیا موڑ، پختہ منصوبہ کے ساتھ ہی پولیس کی کارروائی، پولیس کی ریمانڈ رپورٹ میں کئی سنسنی خیز انکشافات