پریشان نہ کریں، میں پہلے سے شادی شدہ اور بہت پریشان ہوں
غیرضروری ہارن بجانے والوں کے لیے حیدرآباد سٹی پولیس کا انوکھا پیغام
حیدرآباد: 29۔ستمبر(سحرنیوزڈاٹ کام)
کہتے ہیں کہ بات سلیقہ سے کی جائے تو اثر کرجاتی ہے،بس اپنی بات یا اپنی تحریر کو پیش کرنے کا انداز ہی ایسا ہونا چاہئے کہ پڑھنے اور سننے والوں کے دلوں پر پر فوری اثر کرجائے۔
جبکہ کسی بھی چیز کو پیش کرنے کا بے ڈھنگا انداز،طعنہ زنی،اپنی سوچ، پسند یا ناپسند کو زبردستی کسی پر تھوپنا یا پھر میری سنو کسی کی مت سنو، میں ہی صحیح اور سب غلط والے انداز والی بات اور تحریر نہ اثر کرتی ہے اور نہ کسی کو متاثر کرنے کا وز ن ہی رکھتی ہے۔
اسی پر مشہور شاعر کلیمؔ عاجز کا ایک شعر بھی ہے کہ؎
بات چاہے بے سلیقہ ہو کلیمؔ
بات کہنے کا سلیقہ چاہئے
پولیس کے متعلق مشہور تھا اور ہے کہ وہ عوام کو اپنی لاٹھی کے ذریعہ سبق سکھاتی ہے۔تاہم اب زمانہ بدل گیاہے سوشل میڈیا کے اس دؤر میں نوجوانوں کو ٹریفک قواعد سکھانے اور ان قواعد پر عمل کرنے کے ساتھ ساتھ جرائم، غیر سماجی اور غیر اخلاقی حرکتوں سے دور رہنے اور ان پر عمل کرنے کے حیدرآباد پولیس اب سوشل میڈیا کے پلیٹ فارمس ٹوئٹر، فیس بک اور انسٹاگرام کا بہترین استعمال کرنے میں مصروف ہے۔
ان دنوں زیادہ تر کسی بھی چیز کو Memes# کی شکل میں پیش کیا جارہا ہے جس سے مزاح کا پہلو بھی نکلتا ہے اور پیغام بھی پہنچ جاتا ہے!
مختلف مواقع پر حیدرآباد سٹی پولیس ان سوشل میڈیا پلیٹ فارمس کے ذریعہ شہریوں کو بہترین پیغام دینے میں کامیاب ہورہی ہے اور شہری ان پیغامات کو پسند بھی کررہے ہیں۔
آج حیدرآباد سٹی پولیس کی جانب سے ٹوئٹر، انسٹاگرام اور فیس بک پر ایک آٹو کے پیچھے غلط انگریزی میں لکھا ہوا ایک پیغام پوسٹ کیا گیا ہے۔
” ٹوئٹر Twitter# پر حیدرآباد سٹی پولیس کا پوسٹ "
جس پرٹوٹی پھوٹی انگریزی میں لکھا ہوا ہے کہ تاہم اس کا اصل اردو ترجمہ کچھ یوں ہوتا ہے کہ ” پریشان نہ کریں، میں پہلے سے شادی شدہ اور بہت پریشان ہوں”۔یاد رہے آٹو پرلکھی گئی انگریزی میںDisturb# کو Distab لکھا گیا ہے۔ جبکہ Don’t# کو Dot اور Married# کو Marriad لکھا گیا ہے۔
” انسٹاگرام Instagra# پر حیدرآباد سٹی پولیس کا پوسٹ "
اس مزاح سے بھرپور تصویر کے ساتھ حیدرآباد سٹی پولیس نے اسی انداز والی انگریز ی میں لکھا ہے کہـ” غیر ضروری ہارن نہ بجائیں،یہ پریشان کرتا ہے” یہاں حیدرآبادسٹی پولیس انگریزی لفظ "HORN” کو مزاح کا عنصر پیدا کرنے کے لیے ” HONK” کا لفظ استعمال کرتے ہوئے ہارن کا ایموجی استعمال کیا ہے۔اور Disturb# کے بجائے Distab# ہی لکھا ہے۔ جسے سوشل میڈیا کے تمام پلیٹ فارمس پر پسند بھی کیا جارہا ہے۔ ـ
HyderabadCityPolice#
