سوشل میڈیا وائرل / قومی خبریں

کیرالہ میں دوست کے ہاتھوں سے اپنی پیٹھ پر پی ایف آئی لکھوانے اور پولیس میں حملہ کی شکایت درج کروانے والا فوجی اور اس کا دوست گرفتار

- by سحر نیوز

کیرالہ میں دوست کے ہاتھوں خود کو پٹوانے اور اپنی پیٹھ پر  پی ایف آئی لکھوانے
کے بعد پولیس میں حملہ کی شکایت درج کروانے والا فوجی اور اس کا دوست گرفتار

نئی دہلی : 26۔ستمبر
(سحر نیوز/سوشل میڈیا ڈیسک)

ریاست کیرالہ میں ایک ناپاک منصوبہ کا پولیس نے پردہ فاش کرتے ہوئے اس معاملہ میں ایک فوجی جوان اور اس کے دوست کو گرفتار کرلیا ہے۔ایک فوجی جوان شائن کمار جس نے اتوار کو الزام عائد کیاتھاکہ اس پر نامعلوم بدمعاشوں نے حملہ کیا اور اس کی پیٹھ پر PFI# (پی ایف آئی عام طور پر پاپولر فرنٹ آف انڈیا سے مراد ہے،جس پر گذشتہ سال مرکزی حکومت نے پابندی عائد کی تھی)۔لکھ دیا،آج منگل کو اس واقعہ کےمتعلق مبینہ طور پر غلط شکایت درج کروانےکے الزام میں پولیس نے فوجی کوحراست میں لے لیا۔ اس فوجی کے مطابق مبینہ واقعہ کیرالہ کے کولم علاقے میں ربڑ کے جنگل میں پیش آیا۔

خبررساں ادارہ اے این آئی نے کولم رورل کے ایڈیشنل ایس پی آر پرتھاپن نائر کے حوالہ سے بتایا ہےکہ اس فوجی نے کڈکل پولیس اسٹیشن میں مذکورہ شکایت درج کروائی تھی۔تحقیقات کےدوران یہ بات سامنے آئی کہ اس کی شکایت جھوٹی تھی۔جس کی بنیاد پر اس فوجی کو آج گرفتار کیا گیا اور اس کے ایک دوست کو بھی گرفتار کر لیا گیا ہے۔

سینئر پولیس عہدیدار کے حوالہ سے خبر رساں ایجنسی پی ٹی آئی نے اطلاع دی ہے کہ فوجی شائن کمار اس طرح کا جھوٹا بیان دینے کے لیے مختلف وجوہات بتارہا تھا اور ان کی تصدیق کی جانی ہے۔اس معاملہ میں فوجی کے دوست کو بھی گرفتار کیا گیاہے اور ان کےمطابق یہ حرکت اس لیے کی گئی کیونکہ شائن کمار مشہور ہونا چاہتا تھا۔

پولیس نے سبز پینٹ،برش اور ٹیپ برآمد کرلیے ہیں جو مبینہ طور پر اس واقعہ میں استعمال کیےگئے تھے۔فوجی کےدوست نےواقعہ کی تفصیلات بتاتے ہوئے کہا کہ فوجی شائن کمارنے اپنی پیٹھ پر PFI لکھنے کو کہا اور ساتھ ہی اس کی پٹائی بھی اپنے اسی دوست سے کر وائی۔

فوجی کے دوست جس کی شناخت جوشی کی حیثیت سے کی گئی ہے نے میڈیا کو بتایاکہ میں نشے میں تھا،اس لیے میں نے شروع میں DFI لکھ دیا تھا لیکن فوجی شائن کمارنے اسے PFI لکھنے کے لیے کہا تو میں نے اسے PFI بنادیا۔پھر اس نےمجھ سے اسے مارنے کو کہا،لیکن میں نے کہا کہ میں ایسا نہیں کر سکتا کیونکہ میں نشے میں تھا۔اس کے بعد فوجی شائن کمار نے اس کو زمین پر گھسیٹنے کے لیے کہا لیکن نشے کی حالت کی وجہ سے وہ یہ نہیں کر سکا لہذا اس نے مجھ سے اپنے منہ اور ہاتھوں پر ٹیپ لگانے اور پھر وہاں سے چلے جانے کو کہا تو میں نے ایسا کیا۔

فوجی جوان شائن کمار جو راجستھان میں ہندوستانی فوج کے الیکٹرانکس اینڈ مکینیکل انجینئرز (ای ایم ای) کور میں تعینات ہےنے دعویٰ کیا تھاکہ اتوار کی رات اس کے مکان کےقریب 6 افراد نے اسے مارا پیٹا اور اس کی پیٹھ پر پی ایف آئی((ممنوعہ تنظیم پاپولر فرنٹ آف انڈیا)لکھاجب وہ اپنی موٹر سائیکل پر واپس آرہا تھا۔اس شکایت کے بعد پولیس نے تعزیرات ہند کی متعلقہ دفعات کے تحت شکایت درج کی تھی۔ تاہم فوجی کے جسم پر زخم کے نشانات نہیں تھے۔

فیاکٹ چیکر آلٹ نیوز کے معاون فاؤنڈر محمد زبیر نے فوجی کی اس شکایت اور گرفتاری کے بعد ٹوئٹ کیا ہے کہ یہ فرضی معاملہ تھا۔

بالآخر یہ واقعہ فرضی ثابت ہوا۔لیکن اس واقعہ کولےکر گذشتہ دو دنوں سےسوشل میڈیا اور میڈیا کے ایک گوشہ میں کیرالہ حکومت اور مسلمانوں کو سخت تنقید کا نشانہ بناتے ہوئے نفرت کا ماحول پیدا کیا جا رہا تھا۔

" یہ بھی پڑھیں ” 

تلنگانہ میں کل 27ستمبر کو ٹیٹ TET کے نتائج

 

ریاستی وزراء ہریش راؤ، سبیتا ریڈی اور مہیندر ریڈی کا دؤرہ تانڈورکل، 50 کروڑ کے صرفہ سے سنگ بنیاد اور افتتاحی تقاریب، جلسہ عام سے خطاب

 

Post Views: 1

Related Posts

تلنگانہ میں بھی اب فوڈ جہاد! میڈارم جاترا میں کھویا بن بیچنے والے شاہ ولی کو یوٹیوب چینل کی شدید ہراسانی، ہر طرف سے مذمت

وقارآباد ضلع میں بیٹی نے نشہ آور انجکشن دے کر اپنے ہی والدین کا قتل کردیا، درندوں کو بھی شرمندہ کر دینے والی بیٹی گرفتار

کشمیر: پہلگام کے کیاب ڈرائیور نے ایمانداری اور دیانتداری کی مثال قائم کی، خاتون سیاح کاقیمتی بیاگ حوالے کیا،جذباتی ویڈیو وائرل

About سحر نیوز

View all posts by سحر نیوز →