انڈیگو ایئر لائن کی پرواز کے دؤران ایرہوسٹس اور مسافر کے درمیان جم کر بحث، میں آپ کی نوکر نہیں ہوں، ویڈیو وائرل

انڈیگو ایئر لائن کی استنبول۔دہلی پرواز کے دؤران
ایئر ہوسٹس اور مسافر کے درمیان جم کر بحث
میں آپ کی نوکر نہیں ہوں،ایئر ہوسٹس کا جواب،ویڈیو وائرل

نئی دہلی: 21۔ڈسمبر
(سحرنیوز ڈاٹ کام/ایجنسیز)

سوشل میڈیا پر دؤران پرواز انڈیگو ایئر لائن کی ایک ایرہوسٹس اور ایک مسافر کےدرمیان بحث و تکرار کا ویڈیو وائرل ہوگیا ہے۔اس 52 سیکنڈ پرمشتمل ویڈیو کلپ کو شوٹ کرنے اور اسے ٹوئٹر پر پوسٹ کرنےوالے ترون شکلاکےمطابق یہ واقعہ انڈیگوایئر لائن کی استنبول اور دہلی پرواز کے دؤران کھانے کے معاملہ میں پیش آیا ہے۔

اس ویڈیو کے وائرل ہونے کے بعد اس واقعہ کی تائید اور مخالفت کا سلسلہ جاری ہے۔جس کے بعد انڈیگو ایئر لائن کے انتظامیہ نے کہا ہے کہ اس مسافر نےدوران پرواز اپنے خراب رویہ کامظاہرہ کیا اور ایک ایئر ہوسٹس کی توہین کی جس کے بعد عملے کی قیادت کومداخلت کرنی پڑی۔ اور وہ اس واقعہ کا جائزہ لے رہے ہیں ساتھ ہی یہ یقین دہانی بھی کروائی ہے کہ ” صارفین کی سہولت ہمیشہ ہماری اولین ترجیح رہی ہے "۔

اس ویڈیو میں ایئر ہوسٹس اور ایک مسافر (جس کا چہرہ نظر نہیں آ رہا ہے) کے درمیان گرماگرم بحث دیکھی گئی۔اس دؤران عملہ کی ایک اور خاتو ن مداخلت کرتی ہیں۔

ائیر ہوسٹس جو کہ شدید غصہ میں نظر آرہی ہیں،نشست کے قریب نیچے بیٹھ کر اس مسافر سےکہتی ہیں آپ میری جانب انگلی اٹھا رہے ہیں اور مجھ پر چیخ رہے ہیں۔میرا عملہ آپ کی وجہ سے رو رہا ہے۔براہ کرم سمجھنے کی کوشش کریں،وہاں ایک گاڑی ہے اور گنتی کےکھانے (ہوائی جہاز میں) ساتھ لائے گئے ہیں،ہم صرف خدمت کر سکتے ہیں اور یہ آپ کا کیسا رویہ ہے؟

اس ویڈیو میں دیکھا جاسکتا ہے کہ اس سے قبل کہ ایئر ہوسٹس اپنی بات مکمل کرتیں،مسافر نےسخت لہجہ میں کہاکہ آپ کیوں چلارہی ہو؟ جس پر مزید بلند آواز میں ایئر ہوسٹس اس مسافر سے کہتی ہیں کیونکہ آپ ہم پر چلارہے ہو۔

Tempers soaring even mid-air: "I am not your servant"

An @IndiGo6E crew and a passenger on an Istanbul flight to Delhi (a route which is being expanded soon with bigger planes in alliance with @TurkishAirlines ) on 16th December : pic.twitter.com/ZgaYcJ7vGv

— Tarun Shukla (@shukla_tarun) December 21, 2022