سوشل میڈیا وائرل / قومی خبریں

آر پی ایف لیڈی کانسٹیبل کی بروقت چوکسی، سوپر فاسٹ ٹرین آنے سے عین قبل خودکشی کی غرض سے پٹریوں پر لیٹے ہوئے شخص کو بچالیا

- by سحر نیوز

آر  پی ایف لیڈی کانسٹیبل کی بروقت چوکسی
سوپر فاسٹ ٹرین آنے سے عین قبل خودکشی کی غرض سے
پٹریوں پر لیٹے ہوئے شخص کو بچالیا، دل دہلا دینے والا ویڈیو وائرل

کولکاتہ/حیدرآباد : 09/جون
(سحرنیوزڈاٹ کام/سوشل میڈیا ڈیسک)

انسان بھی عجیب ہے!! موجودہ دؤر میں جہاں مذہب اور ذات پات کے نام پر قتل ہو رہے ہیں وہیں یہی حضرت انسان جب کسی انسان کو مصیبت میں دیکھتا ہے تو اس کا مذہب پوچھے بناء ہی اس کی مدد کے لیے فوری پہنچ جاتا ہے یا مصیبت میں پھنسی انسانی جانوں کو بچانا ہو تو بھی مصیبت زدہ لوگوں کا مذہب یا ان کی ذات پات نہیں پوچھی جاتی۔

گذشتہ دنوں گجرات کا ایک ویڈیو وائرل ہواتھاکہ کس طرح مسلمان اپنی زندگیوں کو خطرہ میں ڈال کر اپنے ایک ہندو پڑوسی کے مکان میں آگ لگ جانےکےبعد انہیں محفوظ طریقہ سے سیڑھیوں کی مدد سے باہر نکال رہے ہیں۔یہی انسانیت کی میراث ہے اور انسان ہونے کی نشانی بھی۔ ایسے انسان ساری انسانیت کے لیے قابل فخر ہوتے ہیں۔

ٹوئٹر پر ریلوے پروٹیکشن فورس RPF INDIA# کےمصدقہ ہینڈل سے ایک انتہائی دل دہلا دینے والا سی سی ٹی وی فوٹیج ٹوئٹ کیا گیا ہے۔اس ویڈیو میں باآسانی دیکھا جاسکتاہے کہ رات کے اندھیرے میں ریلوے اسٹیشن کے ایک پلیٹ فارم پر ایک شخص کھڑا ہوا ہے جو اچانک پلیٹ فارم سے اتر کر دوسرے پلیٹ فارم کی جانب موجود ریل کی پٹریوں پر اپنی گردن رکھ کر خودکشی کی غرض سے لیٹ جاتا ہے۔

اسی دؤران اس دوسرے پلیٹ فارم پر ڈیوٹی پر موجود ایک خاتون آر پی ایف کانسٹیبل فلمی انداز میں چھلانگ لگاتےہوئے اس شخص تک پہنچ جاتی ہیں اور طاقت کے زور پر تنہااس شخص کی گردن اپنے دونوں ہاتھوں سے پکڑ کر ریل کی پٹریوں سے ہٹالیتی ہیں کہ اسی دوران ایک یا دو سیکنڈ کے وقفہ کے بعد ان پٹریوں پر سے ایک تیز رفتار سوپر فاسٹ ٹرین دندناتی ہوئی آکر نکل جاتی ہے۔بعدازاں ادھر کے پلیٹ فارم پر موجود دو تین افراد اس خاتون کانسٹیبل کی مددکےلیے پہنچ جاتےہیں۔خاتون کانسٹیبل ان کی مدد سے اس شخص کو پلیٹ فارم پرمنتقل کر دیتی ہیں۔

آر پی ایف انڈیا کے ٹوئٹ کے مطابق اس بہادر اور بے خوف لیڈی کانسٹیبل کا نام کے۔سُمتی K.Sumathi# ہے۔اور یہ واقعہ پوروا، میدینی پور ریلوے اسٹیشن،مغربی بنگال کا ہے۔اس ٹوئٹ میں آر پی ایف انڈیا کی جانب سے اس لیڈی کانسٹیبل کی ستائش کی گئی ہے۔

وہیں سوشل میڈیا صارفین کی بڑی تعداد بھی آر پی ایف کی لیڈی کانسٹیبل کے۔سُمتی کو ایک ہیرو قرار دیتے ہوئے زبردست سراہنا کررہے ہیں کہ ان کی ہمت، بہادری اور انتہائی چوکسی کے باعث ایک انسانی جان بچ گئی۔یہ ویڈیو سوشل میڈیا پر وائرل ہوا ہے۔

ٹوئٹر پر اس فلمی انداز جیسےحقیقی واقعہ کے ویڈیوکو ڈھائی لاکھ سے زائد افراد نے دیکھا ہے،بڑی تعداد میں لائیک اور ستائشی کمنٹ بھی کیے ہیں۔

دوسری جانب RPF INDIA# کے ٹوئٹر ہینڈل سے آج ایک اور واقعہ کا سی سی ٹی وی فوٹیج (ویڈیو) ٹوئٹ کرتےہوئے لکھا گیا ہے کہ”پریاگ راج چھیوکی ریلوے اسٹیشن پر ڈیوٹی پر تعینات 11 ویں کور/ریلوے پروٹیکشن اسپیشل فورس کےکانسٹیبل ششی کانت نے ایک خاتون مسافر کو ٹرین کی زد میں آنے سے فوری طور پر بچالیا۔جب وہ چلتی ٹرین سے نیچے اترتے ہوئے گر گئی۔

اسی طرح آر پی ایف انڈیا کے اسی مصدقہ ٹوئٹر ہینڈل سے آج ہی ایک اور سی سی ٹی وی فوٹیج ٹوئٹ کرتےہوئے لکھا گیا ہے کہ”آر پی ایف
کانسٹیبل سنیل کی تیز رفتار کارروائی نے ایک حادثہ کو ٹال دیا۔اس ویڈیو میں بھی دیکھاجاسکتاہےکہ چلتی ٹرین سے اترنے کےدؤران پالی ریلوے اسٹیشن (راجستھان) پر ایک خاتون مسافر گر کر ٹرین کی زد میں آنے کو تھی کہ آر پی ایف کانسٹیبل نے اس خاتون کو بچالیا۔

ریلوے پروٹیکشن فورس۔انڈیا نے اپنے اس ٹوئٹ میں لکھا ہے کہ” یہ واقعہ ایک پیغام ہے کہ چلتی ٹرین میں سوار ہونا یا اترنا انتہائی خطرناک اور جان لیوا ثابت ہوسکتا ہے۔

 

 

Post Views: 2

Related Posts

تلنگانہ میں بھی اب فوڈ جہاد! میڈارم جاترا میں کھویا بن بیچنے والے شاہ ولی کو یوٹیوب چینل کی شدید ہراسانی، ہر طرف سے مذمت

وقارآباد ضلع میں بیٹی نے نشہ آور انجکشن دے کر اپنے ہی والدین کا قتل کردیا، درندوں کو بھی شرمندہ کر دینے والی بیٹی گرفتار

کشمیر: پہلگام کے کیاب ڈرائیور نے ایمانداری اور دیانتداری کی مثال قائم کی، خاتون سیاح کاقیمتی بیاگ حوالے کیا،جذباتی ویڈیو وائرل

About سحر نیوز

View all posts by سحر نیوز →