ہلدی اورآلو سے چند منٹوں میں پائیں گوری رنگت
سحربیوٹی ٹپ : آلواور ہلدی صرف کھانے کے لیے نہیں بلکہ چہرے کی جلد کو چمکدار بنانے، چہرے سے داغ دھبے صاف کرنے اور رنگت نکھارنے کے لیے بھی استعمال ہوتے ہیں، یہاں آلو اور ہلدی کا بہت ہی آسان ماسک بنانے کا طریقہ بتایا جارہا ہے جو رنگت نکھارنے کے ساتھ چہرے کے سانولے پن کوکم کرکے رنگت گوری کرنے میں نہایت اہم کردارادا کرتا ہے۔
بازار میں ہلدی سے بنےمصنوعی فیس پیاک کئی ناموں سے باآسانی ملتے ہیں جب کہ یہ فیس پیاک بنانے والی کمپنیوں کا دعویٰ ہوتا ہے کہ ان میں کسی قسم کا کوئی کیمیکل موجود نہیں لیکن یہ پوری طرح ٹھیک نہیں ہے، بازار سے ملنے والی اشیا چہرے کی جلد کو نقصان پہنچانے کے ساتھ کافی مہنگی بھی ہوتی ہیں
تاہم گھر پر صرف آلو اور ہلدی سے بنایا گیا یہ فیس پیاک کسی بھی قسم کے مضراثرات سے بالکل پاک ہوتاہے۔
سب سے پہلے کچے آلو کا گودا لیں اوراس میں تھوڑا سا ہلدی پاؤڈر ملائیں اب اسے اچھی طرح مکس کریں ، چہرے اور گلے پرلگائیں اس فیس پیاک کو 30منٹ تک لگارہنے دیں بعد میں سادے پانی سے دھولیں، اس فیس پیاک کا اثر فوراً ہوتا ہے اورجلد صاف ہوکر چمکدار ہوجاتی ہے جب کہ اسے مسلسل استعمال کرنے سے رنگت میں بھی نکھار پیدا ہوتا ہے۔
