حیدرآباد ایئر پورٹ پر 6 مسافروں کے قبضہ سے 2 کروڑ روپئے مالیتی 3 کلو 734 گرام سونا اور 16 لاکھ روپئے مالیتی بیرونی کرنسی ضبط

حیدرآباد ایئر پورٹ پر 6 مسافروں کے قبضہ سے 2 کروڑ روپئے مالیتی
3 کلو 734 گرام سونا اور 16 لاکھ روپئے مالیتی بیرونی کرنسی ضبط

حیدرآباد: 06۔اکتوبر
(سحر نیوز ڈاٹ کام)

حیدرآباد کے راجیو گاندھی انٹرنیشنل ایئر پورٹ (شمس آباد ایئر پورٹ) RGIA# پر محکمہ کسٹمز کے عہدیداروں کی جانب سے وقفہ وقفہ سے بڑے پیمانے پر سونا اور دیگرممنوعہ اشیاء کی ضبطی کا سلسلہ جاری ہے۔گزشتہ ماہ کے دوران محکمہ کسٹمز کے عہدیداروں نے مختلف ممالک بلالخصوص دبئی،کویت اور راس الخیمہ سے پہنچنے والے مسافروں کے قبضہ سے کروڑہا روپئے مالیتی کئی کلو سونا ضبط کرلیا تھا۔جسےمختلف طریقوں سے چھپا کر لایا گیا تھا۔سونا کی ضبطی کا سلسلہ ہنوز جاری ہے۔

آج 6 اکتوبر کو جاری کردہ اطلاع کے مطابق محکمہ کسٹمز حیدرآباد ایئر پورٹ کے عہدیداروں نے 4 اکتوبر اور کل 5 اکتوبر کو مسافروں کی خصوصی شناخت کے بعدعلحدہ علحدہ واقعات میں 6 مسافروں کے قبضہ سے اسمگل کیا جانے والا دو کروڑ 12 لاکھ روپئے مالیتی 3 کلو 734 گرام سونا اور 16 لاکھ 46 ہزار روپئے مالیتی بیرونی کرنسی ضبط کرلی گئی ہے۔ان مسافروں نے یہ سونا مختلف اشیاء میں چھپاکر لایا تھا۔اس سلسلہ میں مزید کارروائی کی جا رہی ہے۔

یاد رہےکہ ماہ ستمبر کے اختتام کے دوران محکمہ کسٹمز کے عہدیداروں نے 25 ستمبر کو جدہ سے آنے والے ایک مسافر کے قبضہ سے 24 لاکھ 34 ہزار روپئے مالیتی 399 گرام سونا ضبط کرلیا تھا جسے اس مسافر نے اپنے انڈر ویئر میں چھپاکر لایا تھا۔

اسی طرح 27 ستمبر کو محکمہ کسٹمز کے عہدیداروں نے دبئی سے حیدرآباد ایئر پورٹ پہنچنے والے ایک مسافر کے قبضہ سے 40 لاکھ 40 ہزار روپئے مالیتی 670 گرام سونا ضبط کیا گیا تھا،جسے پیسٹ کی شکل میں ڈھال کر گھٹنے کے پلاسٹر میں چھپاکر لایا گیا تھا۔

وہیں 27ستمبر کو حیدرآباد ایئر پورٹ پر محکمہ کسٹمز کےعہدیداروں نے ایک مسافر کے قبضہ سے 826 گرام سونا ضبط کیا تھا جس کی مالیت 49لاکھ 80 ہزار روپئے بتائی گئی تھی۔اسی طرح ریاض سے آنے والے ایک مسافر کےقبضہ سے 27 ستمبر کو ہی محکمہ کسٹمز کے عہدیداروں نے 14 لاکھ 4 ہزار روپئے مالیتی 233 گرام سونا ضبط کرلیا تھا۔

https://twitter.com/hydcus/status/1710157541005746325

” یہ بھی پڑھیں "

حیدرآباد ایئر پورٹ پر راس الخیمہ سے پہنچے تین مسافروں کے قبضہ سے 99 لاکھ 57 ہزار روپئے مالیتی سونا ضبط

حیدرآباد ایئر پورٹ پر پانچ مسافروں کے قبضہ سے زائداز ایک کروڑ روپے مالیتی دیڑھ کلو سے زائد سونا ضبط