حیدرآباد ایرپورٹ پر دبئی سے آنے والی دو خاتون مسافرین کے قبضہ سے 74 لاکھ روپئے مالیتی 1410 گرام خالص سونا ضبط

حیدرآباد ایرپورٹ پر دبئی سے آنے والی دو خاتون مسافرین کے
قبضہ سے 74 لاکھ روپئے مالیتی 1410 گرام خالص سونا ضبط

حیدرآباد:13۔اکتوبر(سحرنیوزڈاٹ کام)

حیدرآبادکےراجیو گاندھی انٹرنیشنل ایرپورٹ(شمس آباد ایرپورٹ)پرمحکمہ کسٹمس کے عہدیداروں کی چوکسی کےباعث بیرون ممالک سے بڑی مقدار میں اسمگل کیا جانے والا سونا کے علاوہ دیگرممنوعہ اشیا ضبط کیے جانے کا سلسلہ جاری ہے۔گزشتہ ایک ہفتہ کے دؤران حیدرآباد ایرپورٹ پر کروڑہا روپئے مالیتی سونا ضبط کیے جانے کے باؤجود بھی بالخصوص دبئی سے آنے والے مسافرین کے قبضہ سے سونا کی بڑی مقدار میں ضبطی کا سلسلہ ہنوز جاری ہے۔

محکمہ کسٹمس حیدرآبادایرپورٹ کےعہدیداروں کےمطابق 12 اکتوبر کو دبئی سےفلائٹ نمبر EK-528 کے ذریعہ حیدرآباد پہنچنے والی دو خاتون مسافرین کے قبضہ سے زیور کی شکل میں لائے گئے 24 قیراط کے حامل 1,410 گرام خالص سونا کو سیکشن 110 کسٹم ایکٹ 1962 کے تحت ضبط کرلیا گیا ہے۔ جس کی قیمت 74 لاکھ 2 ہزار 500 روپئے بتائی گئی ہے۔عہدیداروں کے مطابق یہ سونا خواتین کی اور ان کے سامان کی تلاشی کے دؤران برآمد ہوا۔

یہاں یہ تذکرہ غیرضروری نہ ہو گا کہ محکمہ کسٹمس حیدرآباد ایرپورٹ کے عہدیداروں نے جاریہ ماہ 7 اکتوبر کو دو الگ الگ واقعات میں دبئی سے آنے والے تین مسافرین کے قبضہ سے جملہ 7 کلو 695 گرام سونا ضبط کرلیا تھا۔جسے بسکٹ کی شکل میں چھپا کر لایا گیا تھا۔ضبط شدہ اس سونا کی جملہ مالیت 4 کروڑ 4 لاکھ 75 ہزار 700 روپئے بتائی گئی تھی۔

جبکہ محکمہ کسٹمس راجیو گاندھی انٹرنیشنل ایرپورٹ حیدرآباد کےعہدیداروں نے 5 اکتوبر کوبھی ایک ہی دن ہانگ کانگ اور دبئی سےآنےوالےتین الگ الگ مسافرین کے قبضہ سے 13 لاکھ 74 ہزار روپئے مالیتی سونا اورسگریٹ اسٹک ضبط کیے تھے۔

وہیں پانچ دن قبل یعنی 8 اکتوبر کوبھی محکمہ کسٹمس حیدرآباد ایرپورٹ کے عہدیداروں نے بڑی کارروائی انجام دیتےہوئے دبئی سے حیدرآباد پہنچنے والی چار خاتون مسافرین کے قبضہ سے اور کویت سے پہنچنے والے دو مرد مسافرین کے قبضہ سے جملہ ساڑھے چار کلو سونا ضبط کرلیا تھا۔تاہم ضبط شدہ اس سونا کی قیمت نہیں بتائی گئی تھی۔!! 

یہ بھی پڑھیں:-

بیدر کی تاریخی مسجد گاواں میں زبردستی داخل ہوکر دسہرہ کی پوجا، 9 کے خلاف کیس درج ، چار گرفتار،مسجد میں کم کم کا چھڑکاؤ

بیدر کی تاریخی مسجد گاواں میں زبردستی داخل ہوکر دسہرہ کی پوجا، 9 کے خلاف کیس درج ، چار گرفتار،مسجد میں کم کم کا چھڑکاؤ