حیدرآباد ایئر پورٹ پر 92 لاکھ56 ہزار روپئے مالیتی دیڑھ کلوگرام سونا، 38لاکھ روپئے مالیتی 35 آئی فون اوراسمارٹ واچ بھی ضبط

حیدرآباد ایئر پورٹ پر 92 لاکھ 56 ہزار روپئے مالیتی دیڑھ کلوگرام سونا
38 لاکھ روپئے مالیتی 35 آئی فون اوراسمارٹ واچ بھی ضبط

حیدرآباد: 08۔اکتوبر
(سحر نیوز ڈاٹ کام)

حیدرآباد کے راجیو گاندھی انٹرنیشنل ایئر پورٹ (شمس آباد ایئر پورٹ) RGIA# پر محکمہ کسٹمز کے عہدیداروں کی مستعدی کے باعث وقفہ وقفہ سے بڑے پیمانے پر سونا اور دیگر ممنوعہ اشیاء کی اسمگلنگ اورضبطی کا سلسلہ جاری ہے۔

آج 8 اکتوبر کو جاری کردہ اطلاعات کے مطابق 7 اکتوبر کو محکمہ کسٹمز حیدرآباد ایئر پورٹ کے عہدیداروں نے پروفائلنگ کی بنیاد پر ایک مسافرکے قبضہ سے ایک کلو 123 کلو گرام سونا ضبط کرلیا۔جس کی مالیت 65 لاکھ 92 ہزار روپئے بتائی گئی ہے،یہ مسافر جدہ سے حیدرآباد پہنچا تھا۔

جبکہ 7 اکتوبر کو ہی مزید دو علحدہ علحدہ واقعات میں محکمہ کسٹمز حیدرآباد ایئر پورٹ کےعہدیداروں نے دبئی سے آنے والے دو مسافروں کے قبضہ سے 454 گرام سونا ضبط کرلیاہے،جسے پاؤڈر کی شکل میں ڈھال کر کپڑے دھونے کے پاؤڈر،اوٹ Oats# اور آٹے میں چھپاکر لایا گیا تھا۔اس ضبط شدہ سونا کی مالیت 26 لاکھ 64 ہزار روپئے بتائی گئی ہے۔

اس طرح محکمہ کسٹمز کے عہدیداروں نے جدہ اور دبئی سے آنے والے تین مسافروں کے قبضہ سےجملہ 92 لاکھ 56 ہزار روپئے مالیتی سونا ضبط کرلیا ہے۔اس سلسلہ میں مزید کارروائی کی جارہی ہے۔

وہیں محکمہ کسٹمز،حیدرآباد ایئر پورٹ کے عہدیداروں کے مطابق 5 اکتوبر کوٹورنٹو سے آنے والے مسافر کی پروفائلنگ کی بنیاد پر اس کے قبضہ سے 35 آئی فون اور سیمسنگ فونس کے علاوہ سیمسنگ کمپنی کی ایک اسمارٹ واچ ضبط کرلیے گئے۔محکمہ کسٹمز کے عہدیداروں کے مطابق ان ضبط شدہ آئی فونس اور اسمارٹ واچ کی جملہ مالیت 37 لاکھ 70 ہزار روپئے بتائی گئی ہے۔

یاد رہے کہ محکمہ کسٹمز حیدرآباد ایئر پورٹ کے عہدیداروں نے 4 اکتوبر اور 5 اکتوبر کو مسافروں کی پروفائلنگ کی بنیاد پر علحدہ علحدہ واقعات میں 6 مسافروں کےقبضہ سے اسمگل کیاجانے والا 2 کروڑ 12 لاکھ روپئے مالیتی 3 کلو 734 گرام سونا اور 16 لاکھ 46 ہزار روپئے مالیتی بیرون ممالک کی کرنسی ضبط کرلی تھی۔ان مسافروں نے یہ سونا اور کرنسی مختلف طریقوں سے چھپاکر لایا تھا۔

یاد رہے کہ حیدرآبادکے راجیو گاندھی انٹرنیشنل ایئر پورٹ RGIA# پر محکمہ کسٹمز کےعہدیداروں کی جانب سے گزشتہ ماہ مختلف ممالک بلالخصوص دبئی، کویت اور راس الخیمہ سے پہنچنے والے مسافروں کے قبضہ سے کروڑہا روپئے مالیتی کئی کلو سونا ضبط کرلیا تھا۔

25 ستمبر کو جدہ سے آنے والے ایک مسافر کے قبضہ سے 24 لاکھ 34 ہزار روپئے مالیتی 399 گرام سونا ضبط کرلیا تھا جسے اس مسافر نے اپنے انڈر ویئر میں چھپاکر لایا تھا۔اسی طرح 27 ستمبر کو محکمہ کسٹمز کے عہدیداروں نے دبئی سے حیدرآباد ایئر پورٹ پہنچنے والے ایک مسافر کے قبضہ سے 40 لاکھ 40 ہزار روپئے مالیتی 670 گرام سونا ضبط کیا گیا تھا،جسے پیسٹ کی شکل میں ڈھال کر گھٹنے کے پلاسٹر میں چھپاکر لایا گیا تھا۔

وہیں 27ستمبر کو ہی حیدرآباد ایئر پورٹ پرمحکمہ کسٹمز کے عہدیداروں نے ایک مسافر کے قبضہ سے 826 گرام سونا ضبط کیا تھا جس کی مالیت 49 لاکھ 80 ہزار روپئے بتائی گئی تھی۔اسی طرح ریاض سے آنے والے ایک مسافر کےقبضہ سے 27 ستمبر کو ہی محکمہ کسٹمز کے عہدیداروں نے 14 لاکھ 4 ہزار روپئے مالیتی 233 گرام سونا ضبط کرلیا تھا۔

” یہ بھی پڑھیں "

فلسطین اور اسرائیل کے درمیان جنگ جیسی صورتحال! غزہ میں اسرائیل کی بمباری، 200 فلسطینی جاں بحق، حماس کا راکٹ حملہ 100 اسرائیلی ہلاک

حیدرآباد ایئر پورٹ پر 6 مسافروں کے قبضہ سے 2 کروڑ روپئے مالیتی 3 کلو 734 گرام سونا اور 16 لاکھ روپئے مالیتی بیرونی کرنسی ضبط

حیدرآباد ایئر پورٹ پر راس الخیمہ سے پہنچے تین مسافروں کے قبضہ سے 99 لاکھ 57 ہزار روپئے مالیتی سونا ضبط