حیدرآباد ایئر پورٹ سے دبئی جانے والے دو مسافرین کے قبضہ سے 6 کروڑ مالیتی ہیرے ضبط، 11 لاکھ مالیتی ملکی اور غیر ملکی کرنسی بھی ضبط

حیدرآباد ایئر پورٹ سے دبئی سے جانے والے دو مسافرین کے قبضہ سے 6 کروڑ روپئے مالیتی ہیرے اور قیمتی پتھر ضبط
دس لاکھ مالیتی غیر ملکی کرنسی اور ایک لاکھ روپئے نقد رقم بھی ضبط، ڈائرکٹوریٹ آف ریونیو انٹلیجنس کی کارروائی

حیدرآباد : 12۔جنوری
(سحرنیوز ڈاٹ کام/پریس نوٹ)

حیدرآباد کے راجیو گاندھی انٹرنیشنل ایئر پورٹ(شمس آباد ایئر پورٹ) پر وقفہ وقفہ سے بڑی مقدار میں سونا کےعلاوہ منشیات، آئی فونس،الیکٹرانک سگریٹ اور دیگر ممنوعہ اشیا کی ضبطی کا سلسلہ جاری تھا کہ ڈائرکٹوریٹ آف ریونیو انٹلیجنس  DRI# نے کارروائی کرتےہوئے دبئی جانے والے دو مسافرین کےقبضہ سےمختلف اقسام کے ہیرے (ڈائمنڈز) اور قیمتی پتھرضبط کرلیےہیں۔جن کی مالیت 6 کروڑ روپئے سے زائد بتائی گئی ہےاور ساتھ ہی ان دونوں مسافرین کےقبضہ سے زائد از دس لاکھ روپئے مالیتی غیر ملکی کرنسی کے علاوہ ایک لاکھ روپئے کی ہندوستانی کرنسی ضبط کرلی ہے۔

آج 12 جنوری کو جاری کردہ پریس نوٹ میں بتایا گیاہےکہ ایک مصدقہ اطلاع پر ڈائرکٹوریٹ آف ریونیو انٹلیجنس(ڈی آر آئی) حیدرآباد زونل یونٹ کے عہدیداروں نے 10 جنوری کو دبئی جانے والے دو مسافروں کو راجیو گاندھی انٹرنیشنل ایئر پورٹ حیدرآباد کے بورڈنگ کےمقام پر روک کر ان کے سفری سامان کی تلاشی لی تو ان مسافروں کےقبضہ سےمختلف اقسام کے ہیرے اورقیمتی پتھر برآمد ہوئےجنہیں چین والی پلاسٹک کے پاؤچ میں رکھ کر سفید کاغذ میں لپیٹا گیاتھا اور ان ہیروں کو چاکلیٹ پیاکٹ میں رکھا گیا تھا جو کہ مکمل طور پرغیر استعمال شدہ چاکلیٹ کی طرح تھے۔

ڈائرکٹوریٹ آف ریونیو انٹلیجنس(ڈی آر آئی) کے پریس نوٹ کےمطابق ان دونوں مسافروں کے قبضہ سے جملہ 5569.64 قیراط کے حامل ڈائمنڈ اورمختلف اقسام کے قیمتی پتھر ضبط کیے گئے ہیں جن کی مالیت 6 کروڑ 3 لاکھ 51 ہزار 17روپئے ہے۔ساتھ ہی ان دونوں مسافرین کےسفری سامان سے ایک لاکھ روپئے نقد رقم کےعلاوہ 9 لاکھ 83 ہزار 509 روپئے مالیتی غیر ملکی کرنسی بھی ضبط کرلی گئی ہے۔ان دونوں مسافرین کو ڈائرکٹوریٹ آف ریونیو انٹلیجنس (ڈی آر آئی) کی جانب سے گرفتار کر لیا گیا ہے اور اس سلسلہ میں مزید تحقیقات جاری ہیں۔

” یہ بھی پڑھیں "

وقارآباد ریلوے اسٹیشن پر کونارک ایکسپریس سے 77 کلو گانجہ ضبط، 20 لاکھ روپئے مالیتی گانجہ مہاراشٹرا منتقل کرنے والے چارافراد گرفتار

آسٹریلیا کے اسٹار کرکٹر ڈیوڈ وارنر ہیلی کاپٹر کے ذریعہ سڈنی کرکٹ گراؤنڈ پہنچے