بنگلورو میں کے آر پورم فلائی اوور سے ایک شخص دس روپئے کے نوٹ برساکر چلاگیا
نوٹ حاصل کرنے عوام کا ہجوم، پولیس تحقیقات میں مصروف،ویڈیو وائرل
بنگلورو: 24۔جنوری
(سحر نیوز ڈاٹ کام/سوشل میڈیا ڈیسک)
کرناٹک کے دارالحکومت بنگلورو کا ایک عجیب و غریب ویڈیو سوشل میڈیا پر وائرل ہوا ہے۔جس میں دیکھاجاسکتاہے کہ ایک نامعلوم شخص مبینہ طور پر بنگلورو کے کے آر پورم فلائی اوور بریج کے اوپر سے نیچے 10 روپے کے نوٹوں کو پھینک رہا ہے۔تاہم اس بات کا پتہ نہیں چل پایا ہے کہ یہ واقعہ کب پیش آیا ہے اور اس نامعلوم شخص نے یہ حرکت کیوں کی۔؟
بنگلوروکے نامور و سینئرصحافی عمران خان جن کے زیادہ تر ویڈیوز ٹوئٹ ملک اور بیرون ممالک کےچینلز اور ویب سائٹ سائٹس اپنی خبروں کے ساتھ پیش کرتے ہیں،کی جانب سے آج ان کےمصدقہ ٹوئٹر ہینڈل سےپوسٹ کی گئی اس ویڈیو میں ایک شخص کو بنگلورو کے کے آر پورم فلائی اوور سے 10 روپئے کے نوٹ بریج کے اوپر سے نیچے برساتے ہوئے ہوئے دیکھا گیا۔
An unknown person allegedly threw cash (Rs. 10 notes)from KR Puram flyover in #Bengaluru. There was rush from people to collect the cash. It lead to frenzy. Cops are investigating and trying to identify the person #Karnataka pic.twitter.com/kx8mSxklsR
— Imran Khan (@KeypadGuerilla) January 24, 2023
اس ویڈیو میں دیکھاجاسکتاہےکہ یہ شخص اپنے ہاتھ میں موجود تھیلی سے نوٹوں کے بنڈل نکال کر انہیں کھولنے کے بعد فلائی اوور سے نیچے پھینک رہا ہے اور نیچے عوام کا ہجوم ان نوٹوں کو حاصل کرنے امڈ پڑا ہے۔جبکہ یہ نامعلوم شخص فلائی اوور بریج کے دونوں کناروں پر پہنچ کر دونوں جانب سے نیچے نوٹ پھینک رہا ہے۔
اس شخص کے گلے میں ہار کی طرح ایک دیواری گھڑی بھی لٹکی ہوئی نظر آ رہی ہے۔جب اس شخص نےفلائی اوور کے اوپر سےنوٹ پھینکنے شروع کیے تو اس کے ارد گرد نوٹ مانگنے والے لوگوں کی بھیڑ لگ گئی تھی۔اس ویڈیو میں دیکھا جاسکتاہے کہ اس واقعہ کے دؤران فلائی اوور پر ہلکی سی ٹریفک جام ہوگئی تھی اور گاڑیوں پر جانے والے بھی یہ منظر دیکھ کر حیران تھے۔
اس سلسلہ میں ڈپٹی کمشنر آف پولیس (ڈی سی پی) (مغربی) لکشمن نمبرگی نے کہاکہ پولیس کو اس واقعہ کے متعلق زیادہ تفصیلات حاصل نہیں ہوئی ہیں۔تاہم مقامی پولیس اس واقعہ کی تفتیش کر رہی ہے اور مبینہ طور پر اس شخص کی شناخت کرنے کی کوشش کی جا رہی ہے۔انہوں نے کہا کہ ہم اس واقعہ کی تحقیقات اور اس شخص کی شناخت میں مصروف ہیں۔جس کے بعد ہی معلوم ہوگا کہ اس شخص سے ایسا کیوں کیا۔؟
جبکہ ٹوئٹر پر ہی راکیش راکیش نامی ہینڈل سے اس واقعہ کے الگ الگ زاویوں سے لیے گئے دو ویڈیوز پوسٹ کیے گئے ہیں۔
#Bizarre in #Bengaluru#Traffic came to halt on #Sirsi Circle #flyover and the road below it (#KRMarket) after a well-dressed youth went about throwing currency notes. Who was he and why did he do it is not known. @NammaBengaluroo @WFRising @TOIBengaluru @peakbengaluru pic.twitter.com/zXB6mndKm6
— Rakesh Prakash (@rakeshprakash1) January 24, 2023
