گورنمنٹ ڈگری کالج برائے خواتین، حسینی عالم، حیدرآباد میں قومی کانفرنس
ماہرین تعلیم،پالیسی ساز، محققین اور ریسرچ اسکالرز شرکت کریں گے
حیدرآباد: 2۔ جولائی (پریس نوٹ/سحرنیوزبیورو)
شعبۂ سیاسیات، گورنمنٹ ڈگری کالج برائے خواتین، حسینی عالم، حیدرآباد، انڈین کونسل آف ورلڈ افیئرز، نئی دہلی اور تلنگانہ کونسل برائے اعلیٰ تعلیم کے اشتراک سے 29 جولائی 2026 ، بروز چہارشنبہ ” ہندوستان کی خارجہ پالیسی: حالیہ رجحانات اور چیلنجز ” کے عنوان پر ایک روزہ قومی کانفرنس کا انعقاد عمل میں لایا جا رہا ہے۔
اس قومی کانفرنس کا مقصد ہندوستان کی خارجہ پالیسی میں حالیہ رجحانات، عالمی سیاسی تبدیلیوں، علاقائی سلامتی، اقتصادی سفارت کاری، ماحولیاتی تعاون، کثیر قطبی عالمی نظام اور ہندوستان کے بڑھتے ہوئے بین الاقوامی کردار پر سنجیدہ علمی مباحث کو فروغ دینا ہے۔ کانفرنس میں ملک بھر سے ممتاز ماہرین ِ تعلیم، سفارت کار، پالیسی ساز، محققین، اساتذہ، ریسرچ اسکالرز اور طلبہ شرکت کریں گے۔
اس کانفرنس کے مختلف علمی اجلاسوں میں : ہندوستان کی پڑوسی پہلے (Neighbourhood First) پالیسی انڈو پیسیفک حکمت عملی ہندوستان۔چین تعلقات،ہندوستان-امریکہ اسٹریٹجک شراکت داری، برکس(BRICS)،جی-20، شنگھائی تعاون تنظیم (SCO) توانائی کی سفارت کاری اقتصادی راہداریوں عالمی حکمرانی اور دیگر اہم موضوعات پر مقالات اور تحقیقی مباحث پیش کیے جائیں گے۔
کالج کی پرنسپل پروفیسر سی ایچ اپّیا چنّما اس کانفرنس کی سرپرستی کریں گی، جبکہ شعبۂ سیاسیات کے سربراہ ڈاکٹر محمد غوث کنوینر کی حیثیت سے کانفرنس کی نگرانی کریں گے۔ ڈاکٹر فرحانہ سلطانہ آرگنائزنگ سیکریٹری کی ذمہ داریاں انجام دیں گی۔ مختلف جامعات اور کالجوں کے ممتاز اساتذہ پر مشتمل مشاورتی کمیٹی بھی کانفرنس کی علمی رہنمائی کرے گی۔
ڈاکٹر محمد غوث نے کہا ہے کہ موجودہ عالمی منظرنامے میں ہندوستان کی خارجہ پالیسی کو سمجھنا نہایت اہم ہے۔ یہ کانفرنس نوجوان محققین اور طلبہ کو عالمی امور پر معیاری تحقیق، علمی مکالمے اور پالیسی سازی کے تقاضوں سے روشناس کرانے میں اہم کردار ادا کرے گی۔
اس کانفرنس کے لیے اساتذہ، این جی اوز اور سول سوسائٹی کے نمائندوں کے لیے رجسٹریشن فیس 300 روپے، جبکہ ریسرچ اسکالرز کے لیے 200 روپے مقرر کی گئی ہے۔ رجسٹریشن کی آخری تاریخ 25 جولائی 2026 ہے، جبکہ منتخب مقالات کی اطلاع 26 جولائی 2026 کو دی جائے گی۔
معیاری تحقیقی مقالات کو ہم مرتبہ جائزہ (Peer Review) کے بعد کانفرنس کی خصوصی اشاعت میں شامل کیا جائے گا۔ یہ قومی کانفرنس ہندوستان کی خارجہ پالیسی کے مختلف پہلوؤں پر علمی تبادلۂ خیال کو فروغ دینے، نئی تحقیقی جہتیں متعارف کرانے اور مستقبل کی پالیسی سازی کے لیے قابلِ عمل سفارشات مرتب کرنے کی جانب ایک اہم اقدام ثابت ہوگی۔
اس لنک کو کلک کرکے اپنا رجسٹریشن کرواسکتے ہیں:
http://: https://forms.gle/z4aFnq1LHRcCt2hw6
کانفرنس کے دن منتظمین کی طرف سے دوپہر کا کھانا اور ریفریشمنٹ فراہم کیاجائے گا۔ مدعو وسائل کے افراد اور مضامین کے ماہرین کو سفری تعاون فراہم کیا جائے گا۔ رجسٹرڈ مندوبین کی حوصلہ افزائی کی جاتی ہے کہ وہ سفر کے لیے ادارہ جاتی فنڈنگ تلاش کریں۔
مقالہ جات کے ادخال اور دیگر تفصیلات کے لیے اس میل پر ربط قائم کیا جاسکتا ہے:
gdchussainialamdepartmentofpol@gmail.com
مزید تفصیلات کے لیے :
محترمہ آر۔ شریستا سے 9392286194
محترمہ اسریٰ فاطمہ سے 9000228011
پر ربط قائم کیا جاسکتا ہے۔
