بین الاقوامی خبریں / سوشل میڈیا وائرل / قومی خبریں

واٹس ایپ پر انٹرنیشنل نمبروں سے ویڈیو اور آڈیو کالز، مفت حج کی سہولت، ہیکرز اور دھوکہ بازوں کا نیا جال، صارفین ہوشیار

- by سحر نیوز

واٹس ایپ پر انٹرنیشنل نمبروں سے ویڈیو اور آڈیو کالز
شاہ سلمان کی جانب سے چار لاکھ افراد کو مفت حج کی سہولت
ہیکرز اور دھوکہ بازوں کا نیا جال، صارفین ہوشیار

حیدرآباد: 14/مئی
(سحرنیوزڈاٹ کام/سوشل میڈیا ڈیسک)

ہیکرز اور جعلساز مستقل مختلف طریقوں سے بھولے بھالے سوشل میڈیا صارفین اور موبائل استعمال کرنے والوں کو ٹھگنے میں مصروف ہیں۔
وقفہ وقفہ سے ان دھوکہ بازوں کی لوٹ کا طریقہ بدلتارہتاہے۔ماہ رمضان میں واٹس ایپ پر ایک لنک بڑی تعداد میں نائب صدر،وزیراعظم متحدہ عرب امارات شیخ محمد بن راشد المکتوم کی ایک تصویر کےساتھ وائرل کرتے ہوئے لکھا گیا تھا کہ” ارجنٹ: محمد بن راشد رمضان مقابلہ، ابھی حصہ لیں۔سوالات کےجوابات دیں اور عزت مآب شیخ محمد بن راشدالمکتوم کےتحفہ میں روزآنہ انعامات جیتیں،ہر کوئی فاتح ہے، جلدی کریں۔”

اکثر و بیشتر ایس ایم ایس کے ذریعہ بھی گھر  بیٹھے روزآنہ 8 تا 10 ہزار روپئے کمانےکے لالچ پرمشتمل، موبائل نیٹ ورکس کی جانب سے مفت انٹرنیٹ ڈاٹا کی فراہمی اور دیگر پرکشش لالچ کے ساتھ لنکس روانہ کیے جاتے ہیں، جسے ہرگز کلک نہ کیا جائے۔

اب گذشتہ چند دنوں سے خادم حرمین شریفین شاہ سلمان بن عبد العزیز کی تصویر کے ساتھ ایک لنک وائرل کی جارہی ہے کہ ان کی جانب سے 4 لاکھ مستحق مسلمانوں کو مفت حج کی سہولت فراہم کی جارہی ہے اس لنک کو کلک کرکے خانہ پری کریں۔جبکہ سعودی حکومت نے ایسا کوئی اعلان نہیں کیا ہے۔تاہم واٹس ایپ صارفین بناء کسی تصدیق اس لنک کو وائرل کرنے میں مصروف ہیں جو کہ ہیکرز اور جعلساز دھوکہ بازوں کی کارستانی ہے۔

خادم حرمین شریفین شاہ سلمان بن عبد العزیز کی جانب سے 4 لاکھ افراد کو مفت حج کی سہولت والا وائرل شدہ میسیج۔

ہیکرز اور جعلساز ہر سال کسی بھی عید و تہوار یا نئے سال کے مواقع پرمختلف دلکش آفرز کے ساتھ سوشل میڈیا بالخصوص واٹس ایپ پر ایسے پرکشش لنکس ڈال دیتے ہیں۔جس کےذریعہ معصوم اور بھولے بھالے افراد اپنی کمائی سے محروم ہوجاتے ہیں۔وہیں ہیکرز موبائل فون میں موجود تمام ذاتی ڈاٹا،تصاویر، ویڈیوز اور فون پے،گوگل پے،پے ٹی ایم سمیت دیگر یوپی آئی کے پاس ورڈز ہیک Hack# کرلیتے ہیں۔اس طرح صارف کا پورا موبائل فون ان کے قبضہ میں ہوجاتا ہے۔

سائبر جرائم سیل کے پاس لاکھوں شکایتیں درج کروائی جارہی ہیں۔تلنگانہ/حیدرآباد سٹی پولیس اور سائبر کرائم سیل وقفہ وقفہ سے ایسی ہدایات جاری کرتا رہتا ہے کہ کسی بھی آفر پرمشتمل یا کوئی اور مشتبہ لنک کو ہرگز کلک نہ کریں۔ تاہم چند صارف لالچ میں ایسے لنکس کلک / فارورڈ کر دیتے ہیں۔

اب گذشہ چند دنوں سے یہ سائبر جعلساز اور ہیکرز ایک نیا اورمختلف طریقہ کار استعمال کر رہے ہیں جو واٹس ایپ پر انٹرنیشنل نمبرز کے ذریعہ ویڈیو / آڈیو کال یا میسیج کر رہے ہیں۔اس کےلیے زیادہ تر لڑکیوں کی ڈی پی استعمال کی جا رہی ہے۔پہلے تو یہ لوگ واٹس ایپ پر مسڈ کال MissedCall# کرتے ہیں۔اگر ان کے مسڈ کالز پر توجہ دیتے ہوئے ان سے چیٹ کی جائے تو اپنے جال میں پھنسالیتے ہیں۔

یہ جعلساز بین الاقوامی نمبروں سے کال اور میسیج کر رہے ہیں اور صارفین کو پارٹ ٹائم ملازمتیں فراہم کرنے کا وعدہ کر رہے ہیں۔ جب پارٹ ٹائم ملازمتوں اور اچھے پیسوں کی بات آتی ہے تو ہندوستانی صارفین ان کا آسان ہدف بن جاتےہیں۔ اس حربےکے ذریعہ دھوکہ باز صارفین کو بے وقوف بنا رہے ہیں اور لاکھوں روپئے کی لوٹ میں مصروف ہیں۔

بتایا جاتاہے کہ کال کرنےکےبعد جب ان سے چیٹ کی جاتی ہے تو پہلے لالچ دیا جاتا ہے کہ چند یوٹیوب لنکس دیں گے جنہیں دیکھنے اور لائیک کرنے پر 50 روپئے دئیے جائیں گے اور حسب وعدہ یقین کروانے کے لیے پیسے بھی دئیے جارہے ہیں۔بعدازاں یہیں سے بلیک میلنگ کا آغاز ہوتا ہے۔

گزشتہ دو ہفتوں سے یہ واٹس ایپ کالز انتہائی عام ہو گئے ہیں۔ ٹوئٹر اور دیگر سوشل میڈیا پلیٹ فارمز پر بہت سے افرادنے واٹس ایپ پر بین الاقوامی نمبروں سےغیرمنقولہ کالز اور پیغامات موصول ہونے کی شکایت کر رہے ہیں۔یہ کالز اور پیغامات اکثر نامعلوم نمبروں سے آتے ہیں اور صارفین کے لیے مایوسی اور الجھن کا باعث بن سکتے ہیں۔اطلاعات کےمطابق ہر دس واٹس ایپ صارفین میں سے پانچ صارفین کو ایسے ویڈیو / آڈیو کالس اورمیسیجس موصول ہو رہے ہیں۔

واٹس ایپ پر جاریہ ماہ آنے والے ویڈیو اور آڈیو مسڈ کالز Missed Calls

لہذا اگر آپ کو بھی ایسی کالس مسلسل موصول ہورہی ہیں توواٹس ایپ پر آنے والے مشکوک اور انجان انٹرنیشنل یا ہندوستانی نمبروں سے آنےوالے ویڈیو / آڈیو کالس کو فوری کاٹ دیں اور ان کے کسی بھی میسیج کا جواب نہ دیں۔ کالس کا جواب دینا آپ کو دھوکہ دہی کا شکار بناسکتا ہے۔!!

اگر آپ کو واٹس ایپ پرکسی بین الاقوامی نمبر سے کوئی پیغام Message# موصول ہوتاہے جس میں مالی فوائد کی پیشکش ہوتی ہے،جیسے کہ انعام یا لاٹری میں جیت تو یہ ممکنہ طور پر ایک دھوکہ ہے۔ان پیغامات کا جواب نہ دیں۔

واٹس ایپ پر ایسے کسی بھی ویڈیو/آڈیو کالز یا میسیج کےموصول ہونے پرفوری اس نمبر کو بلاک کردیں۔بلاک کرتے وقت Report Contact# کے آپشن کو بھی اوکے کر دیں۔یہ رپورٹ سیدھے واٹس ایپ WhatsApp# کو پہنچ جائےگی۔جس کے بعد واٹس ایپ خود ان نمبرز کو بلاک کردے گا۔اگر واٹس ایپ کے علاوہ بھی کوئی فون کالس ایسے ہی مشکوک نمبرز سے آنے لگیں تو انہیں بھی بلاک کر دیں۔

واٹس ایپ پر آغاز شدہ اس نئے اسکام کے متعلق تلگو اداکار راہول راما کرشنا نے 8 مئی کو اپنے ٹوئٹ میں پوچھا ہے کہ” کسی اور کو بھی نامعلوم بین الاقوامی/امریکی ٹیلی فون نمبروں سے واٹس ایپ پر مسڈ کالز مل رہی ہیں؟” تو کئی ٹوئٹر صارفین نے جواب میں ہاں لکھا ہے۔کئی ٹوئٹر صارفین نے اسکرین شاٹس کے ذریعہ توثیق کی ہے کہ انہیں بھی انٹرنیشنل نمبروں سے کالز آرہے ہیں۔ایک خاتون نےلکھا ہےکہ اس نئے اسکام سے نصف ہندوستان متاثر ہوا ہے۔

 

 

 

 

 

 

 

 

ایم سری کانت نامی ٹوئٹر صارف نےلکھا ہے کہ انہیں انڈونیشیا سے واٹس ایپ پر ایسا ہی کال موصول ہوا تھا۔بات کرنے والے نے انہیں بتایا کہ وہ کے بی سی مقابلہ میں 25 لاکھ روپئے جیت گئے ہیں اور ان کی جانب سے بتائے جانے والے طریقہ سے کام کریں تو ان تک یہ رقم بھیج دی جائے گی۔

اس معاملہ میں سائبر آباد پولیس نے بھی اپنے ٹوئٹ میں چند انٹرنیشنل موبائل نمبرز کے ساتھ وارننگ جاری کرتے ہوئے لکھا ہے کہ تلنگانہ اور آندھرا پردیش کے عوام کی بڑی تعداد کو واٹس ایپ پر اس دھوکہ دہی پر مشتمل انٹرنیشنل کالس آرہے ہیں عوام ان پر یقین نہ کریں۔سائبرآباد پولیس نے واٹس ایپ صارفین کو مشورہ دیا ہے کہ وہ ایسے کسی بھی کال کی رپورٹ کرتے ہوئے اس کو بلاک کردیں۔ساتھ ہی ویب سائٹ    http://www.cybercrime.gov.in پر شکایت درج کروائیں یا پھر 1930 نمبر پر شکایت کریں۔

 

ایک اور اطلاع یہ بھی ہے کہ ان میں زیادہ تر نمبرز خود ہندوستانی ہیں؟جنہیں انٹرنیشنل نمبرز کی طرح پیش کیا جارہا ہے۔!! واٹس ایپ صارفین اس بات کو لے کر پریشان ہیں کہ ان دھوکہ بازوں اور ہیکرز کے پاس ان کے نمبرز کیسے پہنچ جاتےہیں۔؟ تو اس کا جواب ہے کہ ان دھوکہ بازوں کے پاس سوشل میڈیا صارفین کے موبائل نمبرز حاصل کرنے کے کئی ذرائع موجود ہوتے ہیں۔!!

” یہ بھی پڑھیں "

متحدہ عرب امارات کے نائب صدر و وزیراعظم کے نام سے انعامی مقابلہ کی لنک وائرل، ہیکرز کا نیاجال، لنک کو ہرگز کلک نہ کریں

Post Views: 13

Related Posts

ڈاکٹر نصرت مہدی کو ابوظہبی میں بین الاقوامی اعزاز ” سفیر اردو ” سے نوازا گیا

بھوپال کے عالمی تبلیغی اجتماع کا مولانا محمد سعد صاحب کی دعائے خاص کیساتھ اختتام، زائداز 15لاکھ فرزندان توحیدکی شرکت

حیدرآباد ایئر پورٹ پر دُبئی سے پہنچی خاتون مسافر کے قبضہ سے 12 کروڑ مالیتی 12 کلوخشک گانجہ ضبط، خاتون گرفتار

About سحر نیوز

View all posts by سحر نیوز →