راہول گاندھی بھی ہوئے کورونا وائرس سے متاثر

راہول گاندھی بھی ہوئے کورونا وائرس سے متاثر

نئی دہلی:20۔اپریل(سحر نیوزڈاٹ کام)

کانگریس قائد و رکن پارلیمان راہول گاندھی بھی آج کورونا وائرس سے متاثر ہوگئے ہیں۔

اس سلسلہ میں خود راہول گاندھی نے آج سہء پر سوشیل میڈیا کی مقبول سائٹ ٹوئٹر پر ٹوئٹ کرتے ہوئے لکھا ہے کہ کورونا وائرس کی ہلکی علامات کے بعد ان کی رپورٹ مثبت آئی ہے۔

After experiencing mild symptoms, I’ve just tested positive for COVID.

All those who’ve been in contact with me recently, please follow all safety protocols and stay safe.

— Rahul Gandhi (@RahulGandhi) April 20, 2021

راہول گاندھی نے لکھا ہے کہ ان سے رابطہ میں آنیوالے احتیاط کریں اور تمام حفاظتی اقدامات کرتے ہوئے محفوظ رہیں۔
راہول گاندھی نے اتوار کو ہی اعلان کیا تھا کہ کوروناوائرس کی شدت کے باعث وہ مغربی بنگال میں منعقدہ تمام انتخابی ریالیوں کو منسوخ کررہے ہیں۔

وزیر اعظم نریندرمودی نے ٹوئٹ کرتے ہوئے کانگریس کے سابق صدر و رکن لوک سبھا راہول گاندھی کی جلد صحتیابی کیلئے نیک تمناؤں کا اظہار کیا ہے۔

I pray for the good health and quick recovery of Lok Sabha MP Shri @RahulGandhi Ji.

— Narendra Modi (@narendramodi) April 20, 2021

یاد رہے کہ دو دن قبل ہی سابق وزیر اعظم و کانگریس کے سینئر رہنماءمنموہن سنگھ بھی کورونا وائرس سے متاثر ہونے کے بعد دہلی کی ایمس میں شریک کروائے گئے ہیں جن کی حالت مستحکم اور بہتر بتائی جاتی ہے۔

وہیں کل ہی چیف منسٹر تلنگانہ کے۔ چندرا شیکھر راؤ اور گزشتہ ہفتہ چیف منسٹر اتر پردیش یوگی آدتیہ ناتھ، سابق چیف منسٹر اکھلیش یادو بھی کورونا وائرس سے متاثر ہوئے ہیں۔