فرقہ پرستوں کے نشانہ پر اب مسلم خواتین
معروف خواتین کا ڈیٹا چوری کرکے انہیں ویب سائٹ پر "برائے فروخت” پیش کیا گیا
دہلی : 10۔جولائی (سحر نیوزڈاٹ کام/ایجنسیز)
ملک بھر میں امن و امان کی صورتحال سے ہر کوئی واقف ہیں ۔ چند سال پہلے تک جن اداروں کی کارکردگی سے عوام چین اور سکون کی زندگی گزارا کرتے تھے آج ان میں سے چند ادارے بڑی حد تک کچھ مخصوص افراد کےلیے ہی مختص ہوکر رہ گئے ہیں۔!
یہی وجہ ہے کہ مجرمین اور شرپسندوں کی تعداد اور ان کے حوصلوں میں اضافہ ہوتا جا رہا ہے اور مسلم مخالف جرائم کی تعداد میں بھی پچھلے چند سالوں میں بے تحاشا اضافہ ہوا ہے۔
حال ہی میں قانون کی گرفت اور سزا کے خوف سے بے پرواہ چند فرقہ پرست ذہنوں نے ماب لنچنگ میں نوجوانوں کو نشانہ بنانے کے بعد اب مسلم خواتین کو ٹارگٹ کرنا شروع کیا ہے ۔
ان فرقہ پرستوں نے گٹ ہب ” GitHub ” نامی ویب سائٹ پر Sulli Deals نامی ویب سائٹ بنائی۔جس پر معروف مسلم خواتین کی ٹویٹر ہینڈل، انسٹاگرام اور فیس بک اکاؤنٹ سے نجی معلومات اور تصاویر حاصل کرتے ہوئے انہیں فروخت کرنے کی سازش رچی۔
اس ویب سائٹ پر معروف مسلم خواتین جن میں پائلٹ ،صحافی، سوشیل ایکٹیوسٹ، آرٹسٹ اور اسکالرز کو نشانہ بناتے ہوئے انہیں” برائے فروخت “ کے طور پر پیش کیا گیا ۔جن کی معلومات سوشل میڈیا سے چرائی گئی تھیں۔
ملک بھر میں مسلم مخالف ماحول میں اس طرح کے نئے نئے چیلنجز کھڑے کردیئے جارہے ہیں۔جبکہ دوسری جانب مسلم معاشرے میں پردے کا تصور عام ہونے کے باوجود مسلم خواتین میں اپنی نجی تصاویر انٹرنیٹ پر شیئر کرنے کا رجحان بڑھتا جا رہا ہے۔
حالانکہ یہ اپنی نوعیت کا پہلا مجرمانہ اور مسلم خواتین کے متعلق انتہائی قابل اعتراض واقعہ رہا ہو لیکن مسلم خواتین اپنے حجاب کو لے کر ہمیشہ ہی سے تعصب پرستوں کا نشانہ رہی ہیں۔
سوشل میڈیا پر GitHub اور Sulli deals پر” مسلم خواتین برائے فروخت “ کے اسکرین شارٹس وائرل ہونے کے بعد دہلی کمیشن فار ویمن کی جانب سے ازخود اقدام کرتے ہوئے دہلی پولیس کو ایک نوٹس جاری کی گئی ہے اور اس سنگین معاملہ میں فوری ایف آئی آر درج کرتے ہوئے کارروائی کی ہدایت دی گئی ہے۔
اس سلسلہ میں چیئرمین دہلی کمیشن فار ویمن محترمہ سواتی ملیوال نے اپنے ٹوئٹ میں کمیشن کی جانب سے دہلی پولیس کو دی گئی نوٹس کو شیئر کیا ہے۔
Issued Notice to Police on a very serious matter of cyber crime where pictures of several Muslim women were displayed online without their consent and termed as ‘Sulli Deal of the day’. FIR should be registered and strong action should be taken. #SulliDeals pic.twitter.com/MyvKGTsvJ1
— Swati Maliwal (@SwatiJaiHind) July 7, 2021
جس کے بعد ہوش میں آئی دہلی پولیس نے نامعلوم افراد کے خلاف ایف آر آئی درج کرکے تحقیقات میں مصروف ہے۔اس ویب سائٹ کو بند کردیا گیا ہے۔
Editorji کی رپورٹ کے مطابق اس ویب سائٹ پر 90 مسلم خواتین کو برائے فروخت پیش کیا گیا ہے جن میں صحافی، پائلٹ ،سوشیل ایکٹیوسٹ، آرٹسٹ اور ریسرچ اسکالرس شامل ہیں۔
Github کے متعلق ویڈیو تفصیلات یہاں دیکھی جاسکتی ہیں :
Website targets Muslim women, puts activists, journalists 'on sale', taken down by @github after outrage.#SulliDeals pic.twitter.com/YtKgya8n3V
— editorji (@editorji) July 7, 2021
اس گھٹیا،اہانت آمیز اور انتہائی ذلیل حرکت کی سوشل میڈیا پلیٹ فارمس بالخصوص ٹوئٹر پر سخت مذمت کی جارہی ہے۔
واضح رہے کہ Sulli یا Sulla مسلم خواتین کیلئے ایک توہین آمیز اور گستاخانہ اصطلاح ہے۔
