اخبار کے ہاکر لڑکے کی خوداعتمادی
ریاستی وزیر کے ٹی آرنے کہا اس لڑکے کے ویڈیو نے مجھے متاثر کیا
حیدرآباد:23۔ستمبر(سحرنیوزڈاٹ کام)
کہتے ہیں کہ کوئی بھی کام چھوٹا یا بڑا نہیں ہوتا،ایمانداری اور محنت سے کمایا گیا لقمہ انسان کے ضمیر کو بھی مطمئن کرتا ہے۔اور ہیرا پھیری، دھوکہ دہی اور غلط طریقوں سے کمائی گئی دؤلت دنیاوی آسائش کے سامان تو مہیاکرواتی ہے لیکن ذہنی سکون فراہم نہیں کرتی!!
محنت اور اپنے کام کے تئیں مطمئن ایک ایسے ہی لڑکے نے جو کہ ایک سرکاری اسکول میں تعلیم حاصل کرتا ہے اور صبح کے وقت سیکل پر گھر گھر جاکر اخبار ڈالنے کا کام بھی کرتا ہےریاستی وزیر آئی ٹی ،بلدی نظم و نسق و صنعت کے۔ تارک راماراؤ(کے ٹی آر) کو متاثر کیا ہے۔
ریاستی وزیر آئی ٹی کے ٹی آر جو کہ سوشل میڈیا پر ہمیشہ ایکٹیو رہتے ہیں اور ضرورتمندوں کی فوری مدد کو ممکن بناتے ہیں آج اس لڑکے سے شدید متاثر ہوکر اس لڑکے کی خوداعتمادی اورحوصلہ کی زبردست ستائش کرتے ہوئے اس لڑکے کاایک ویڈیو ٹوئٹر پر پوسٹ کیا ہے۔
Loved this video from Jagtial Town
This young lad a Govt school student called Jai Prakash; loved his confidence, composure and clarity of thought & expression 👏👏
He says what’s wrong in working while studying & goes on to say it’ll keep him in good stead in future pic.twitter.com/Ug4wYIGn8a
— KTR (@KTRBRS) September 23, 2021
جس کے ساتھ ریاستی وزیر آئی ٹی ،بلدی نظم و نسق و صنعت کے۔ تارک راماراؤ تلنگانہ نے لکھا ہے کہ ” جگتیال ٹاؤن کا یہ ویڈیو بہت پسند آیا،اس لڑکے کا نام جئے پرکاش ہے جو کہ نویں جماعت کا طالب علم ہے اور اخبار ڈالتے ہوئے اپنی تعلیم بھی جاری رکھے ہوئے ہے۔
کے ٹی آر نے اس ویڈیو کے ساتھ لکھا ہے کہ اس لڑکے کی سوچ ،اس کی خود اعتمادی،پرسکون انداز میں اس کے بات کرنے کا انداز اور اس کے چہرے کے اتار چڑھاؤ اور یہ کہتا ہے کہ کام کرنے میں حرج کیا ہے؟ اب اگر محنت کروں گا تو مستقبل بہتر ہوگا”۔
ریاستی وزیر کے ٹی آر کی جانب سے پوسٹ کیے گئے اس ویڈیو کو ٹوئٹر پر بہت پسند کیا جارہا ہے اور لوگ کمنٹس کرتے ہوئے لکھ رہے ہیں کہ یہ لڑکا اور اس کے خیالات آج کل کے نوجوانوں کے لیے ایک پیغام ہے بالخصوص اپنی شادی کے بعد بھی ماں باپ پر بوجھ بننے والی اؤلاد کے لیے یہ لڑکا ایک سبق اور مثال ہے!!
دراصل یہ ویڈیو ایک موٹرسیکل راں اور اس لڑکے کے درمیان تلگو زبان میں ہونے والی گفتگو پر مشتمل ہے۔
