وزیر اعلیٰ کے سی آر کی سالگرہ،تانڈور میں جشن کا ماحول
کیمپ آفس پر تانڈور میں میگا بلڈ کیمپ رکن اسمبلی نے خون کا عطیہ دیا ،کیک کاٹا ، پودے لگائے گئے
تانڈور۔17۔فروری (سحر نیوز ڈاٹ کام)
ریاستی وزیر اعلیٰ کے سی آر کی 67؍ویں سالگرہ کے موقع پر مقامی ٹی آرایس پارٹی قائدین اور کارکنوں میں زبردست جوش وخروش دیکھا گیا ۔ایم ایل اے کیمپ آفس میں رکن اسمبلی تانڈور پائلٹ روہت ریڈی کی قیادت میں میگا بلڈ ڈونیشن کیمپ کا انعقاد عمل میں لایا گیا جس میں رکن اسمبلی کے علاوہ پارٹی قائدین نے بھی اپنے خون کا عطیہ دیا۔
قبل ازیں رکن اسمبلی پائلٹ روہت ریڈی نے پارٹی قائدین کیساتھ مل کر گلابی رنگ کا کیک کاٹا ۔اس موقع پر اپنے خطاب میں رکن اسمبلی تانڈور پائلٹ روہت ریڈی نے وزیر اعلیٰ کے سی آر کو ایک مدبر قائد قرار دیتے ہوئے کہا کہ انہوں نے اپنی جان کی پرواہ نہ کرتے ہوئے پرامن ، طویل اور صبر آزماجدوجہد کرتے ہوئے علحدہ ریاست تلنگانہ حاصل کی اور انکی قیادت میں ریاست تلنگانہ ترقی کی جانب رواں دواں ہےاور ریاست تلنگانہ ملک کی تمام ریاستوں کیلئے ایک مثال ہے۔
اس تقریب میں نائب صدر نشین بلدیہ دیپا نرسملو ، صدرو نائب صدر زرعی مارکیٹ کمیٹی وٹھل نائیک ،وینکٹ ریڈی ، رکن اسمبلی کے والد وٹھل ریڈی ،ایم پی پی پدیمول انورادھارمیش کے علاوہ مقامی ٹی آرایس قائدین مرلی کرشنا ، نرسملو ، ایم اے نعیم افو ، محمد عرفان ،
سرینواس چاری ،عبدالرزاق،معز خان،محمد ممشاد ، نرسی ریڈی،کوہیر سرینواس ، پتنگے پانڈو ،محبوب ، جاوید ،ٹیپو کے علاوہ دیگر شریک تھے ۔
