مجلس اتحادالمسلمین اترپردیش کے انتخابات میں 100 نشستوں پر مقابلہ کرے گی: بیرسٹر اسد الدین اویسی
یوپی میں اے آئی ایم آئی ایم سے اتحاد کی خبر سراسر جھوٹی،گمراہ کن اور بے حقیقت ہے: مایاوتی
حیدرآباد:27۔جون(سحرنیوزڈاٹ کام)
صدر کل ہند مجلس اتحادالمسلمین و رکن پارلیمنٹ حلقہ حیدرآباد بیرسٹر اسد الدین اویسی نے آج اعلان کیا ہے کہ کل ہند مجلس اتحادالمسلمین آئندہ سال اتر پردیش میں ہونے والے ریاستی اسمبلی کے انتخابات میں 100 نشستوں پر مقابلہ کرے گی۔
उ.प्र. चुनाव को लेकर मैं कुछ बातें आपके सामने रख देना चाहता हूँ:-
1) हमने फैसला लिया है कि हम 100 सीटों पर अपना उम्मीदवार खड़ा करेंगे, पार्टी ने उम्मीदवारों को चुनने का प्रक्रिया शुरू कर दी है और हमने उम्मीदवार आवेदन पत्र भी जारी कर दिया है।1/2
— Asaduddin Owaisi (@asadowaisi) June 27, 2021
اس سلسلہ میں آج ٹوئٹر پر کیے گئے اپنے دو ٹوئٹس جو کہ ہندی زبان میں ہیں میں صدر کل ہند مجلس اتحادالمسلمین و رکن پارلیمنٹ حلقہ حیدرآباد بیرسٹر اسد الدین اویسی نے لکھا ہے کہ یوپی انتخابات کے حوالے سے کچھ چیزیں آپ کے سامنے رکھنا چاہتا ہوں۔
1) ہم نے فیصلہ کیا ہے کہ ہم 100 نشستوں پر اپنے امیدوار کھڑا کریں گے ، پارٹی نے امیدواروں کے انتخاب کا عمل شروع کیا ہے۔اور ہم نے امیدواروں کیلئے درخواست فارم بھی جاری کردیا ہے۔
2) हम @oprajbhar साहब 'भागीदारी संकल्प मोर्चा' के साथ हैं।
3) हमारी और किसी पार्टी से चुनाव या गठबंधन के सिलसिले में कोई बात नहीं हुई है।2/2— Asaduddin Owaisi (@asadowaisi) June 27, 2021
اپنے دوسرے ٹوئٹ میں صدر کل ہند مجلس اتحادالمسلمین و رکن پارلیمنٹ حلقہ حیدرآباد بیرسٹر اسد الدین اویسی نے لکھا ہے کہ
2) ہم اوم پرکاش راج بھرکے ساتھ ہیں (جو کہ سہیل دیو بھارتیہ سماج پارٹی کے قومی صدر اور سابق وزیر ہیں)
3) ہم نے ان انتخابات یا اتحاد کے سلسلہ میں کسی اور پارٹی سے بات نہیں کی ہے۔
دوسری جانب چند دنوں سے سیاسی اور میڈیا کے ایک گوشے میں یہ اطلاعات زیر گشت تھیں کہ اتر پردیش اسمبلی انتخابات میں سابق چیف منسٹر و بہوجن سماج پارٹی چیف مایاوتی اور کل مجلس اتحادالمسلمین اتحاد کے ذریعہ ملکر انتخابات لڑیں گے۔
1. मीडिया के एक न्यूज चैनल में कल से यह खबर प्रसारित की जा रही है कि यूपी में आगामी विधानसभा आमचुनाव औवेसी की पार्टी AIMIM व बीएसपी मिलकर लड़ेगी। यह खबर पूर्णतः गलत, भ्रामक व तथ्यहीन है। इसमें रत्तीभर भी सच्चाई नहीं है तथा बीएसपी इसका जोरदार खण्डन करती है। 1/2
— Mayawati (@Mayawati) June 27, 2021
اس سلسلہ میں بہوجن سماج پارٹی سربراہ مایاوتی نے آج ٹوئٹ کرتے ہوئے لکھا ہے کہ "یہ خبر کل سے ہی ایک میڈیا نیوز چینل میں نشر کی جارہی ہے کہ اے آئی ایم آئی ایم اور بی ایس پی آئندہ اسمبلی کے عام انتخابات یوپی میں مل کر لڑیں گے۔یہ خبر سراسر جھوٹی ، گمراہ کن اور بے حقیقت ہے۔ یہاں تک کہ حقیقت کا کوئی گوشہ نہیں ہے اور بی ایس پی اس کی سختی سے تردید کرتی ہے۔
یہاں یہ تذکرہ غیر ضروری نہ ہوگا کہ ملک کی سب سے بڑی ریاست اتر پردیش کی 403 اسمبلی نشستوں کیلئے فروری/مارچ 2022ء میں ریاستی اسمبلی کے انتخابات منعقد ہونے والے ہیں۔جہاں 2017ء میں منعقدہ اسمبلی انتخابات میں بھارتیہ جنتا پارٹی نے 312 نشستوں پر کامیابی حاصل کرتے ہوئے اکھلیش یادو کی سماج وادی پارٹی سے اقتدار حاصل کیا تھا۔
