سوشل میڈیا وائرل / قومی خبریں

تریپورہ کے بی جے پی ایم ایل اے اسمبلی میں فحش فلم دیکھتے ہوئے ویڈیو میں قید، سوشل میڈیا پر ویڈیو کی سونامی

- by سحر نیوز

تریپورہ کے بی جے پی ایم ایل اے اسمبلی میں فحش فلم دیکھتے ہوئے ویڈیو میں قید
سوشل میڈیا پر ویڈیو کی سونامی، ہر طرف سے تنقید، ٹوئٹر پر ٹرینڈنگ جاری

نئی دہلی : 30۔مارچ
(سحرنیوزڈاٹ کام/سوشل میڈیا ڈیسک)

منتخبہ عوامی نمائندے اگرصاف و شفاف شبیہ اور کردار کےحامل ہوں تو ان کےحلقہ کےعوام محفوظ بھی رہتے ہیں اور عوامی مسائل حل بھی ہوتے ہیں اور اس نمائندے کے کردار کا پتہ چلتا ہے کہ وہ اپنے حلقہ کےعوام کےساتھ کیسا برتاؤ کرتا ہے؟اس کی عوامی مقبولیت کا بھی پتہ چلتا ہے۔لیکن افسوس کہ ملک کی پارلیمنٹ اور ریاستی اسمبلیوں میں ایسے بھی افراد چن کر جاتے ہیں جن کا مجرمانہ ریکارڈ ہوتا ہے۔

حتی کہ ان پر عصمت ریزی،قتل، اغواء، اقدام قتل،اراضیات پر قبضوں کے سینکڑوں معاملہ عدالتوں میں زیر دوراں ہوتے ہیں۔پھر بھی ایسے لوگ پیسہ اور طاقت کے بل پر انتخابات جیت کر لوک سبھا اور ریاستی اسمبلیوں میں پہنچتے ہیں اور دستور کی قسم کھاکراپنے عہدہ کا حلف لیتے ہیں۔

2012ء میں کرناٹک اسمبلی کا ایک معاملہ/ویڈیو سارے ملک اور بین الاقوامی سطح پر سرخیوں کا سبب بنا تھا اور ہر طرف سے اس کی مذمت کی گئی تھی اس وقت کی بی جے پی حکومت کے دو وزراء کو ریاستی اسمبلی کے اندر اپنے فون پرفحش کلپس دیکھنے کے بعد استعفیٰ دینے پر مجبور کر دیا گیا تھا۔وزراء لکشمن ساودی اور سی سی پاٹل کو بعد میں پارٹی نے کسی بھی غلط کام کی تحقیقات کے بعد دوبارہ بحال کر دیا تھا۔ان میں سے ایک بعد ازاں ڈپٹی چیف منسٹر کے عہدہ تک پہنچے تھے۔!!

اب سوشل میڈیا پر ایسے ہی ایک 32 سیکنڈ کے ویڈیو کی سونامی آئی ہوئی ہے۔جس پرسخت تنقید اور غصہ کا اظہار کیا جا رہا ہے۔تریپورہ کے ایک بی جے پی ایم ایل اے کو ریاستی اسمبلی کے اجلاس کے دوران مبینہ طور پر اپنے موبائل فون پر فحش فلم دیکھتےہوئے دیکھا جاسکتا ہے۔ ایم ایل اے جادھو لال ناتھ شمال مشرقی ریاست کے باغباسہ حلقے کی نمائندگی کرتے ہیں۔

میڈیا اطلاعات کے مطابق اس واقعہ کا ویڈیو اس وقت لیا گیا جب اسمبلی ریاستی میں بجٹ سے متعلق امور پر بحث ہو رہی تھی۔ویڈیو جسے جادھو لال ناتھ کے پیچھے بیٹھے ہوئے کسی شخص نے لیا ہے،اس ویڈیو میں وہ ویڈیو کلپس کی فیڈ کے ذریعہ اسکرول کرتےہوئے، توقف کرتے ہوئے اور دھیان سے ایک کلپ کو دیکھتے ہوئے دیکھا جاسکتا ہے جو کہ فحش نظر آتا ہے۔اس وقت اسپیکر اور دیگر ایم ایل اے اسمبلی میں بحث و مباحثہ میں مصروف تھے۔

وہیں بی جے پی پارٹی ذرائع نے میڈیا کو بتایا کہ بی جے پی نے ایم ایل اے سے وضاحت طلب کی گئی ہے اور انہیں بھی طلب کیا گیا ہے۔ ایم ایل اے جادھو لال ناتھ نے ابھی تک الزامات یا ویڈیو کاجواب نہیں دیا ہے۔ ذرائع کےمطابق وہ اجلاس ختم ہونےکےفوری بعد اسمبلی احاطے سے چلے گئے۔

کئی ٹوئٹرصارفین نے اس ویڈیو کوجوں کاتوں ٹوئٹ کردیا ہے۔جبکہ میڈیا اور دیگر کی جانب سے اس ویڈیو میں موبائل فون پر نظر آنے والی فحش ویڈیوز کو Blur# کیا گیا ہے۔ 

اس ویڈیو کی ٹوئٹر پر بڑے پیمانے پر ٹرینڈنگ چل رہی ہے۔زیادہ تر ٹوئٹر صارفین اس ویڈیو کے ساتھ لکھ رہے ہیں کہ ” سنسکاری پارٹی کے سنسکاری ایم ایل اے”۔

یاد رہے کہ گزشتہ سال 15 اگست یوم آزادی کے موقع پر گجرات حکومت کی جانب سے مرکزی وزارت داخلہ کی اجازت کے بعد بلقیس بانو کی اجتماعی عصمت ریزی،ان کی بچی سمیت سات افراد خاندان کے 11 قاتلوں کو آزادی کا مہا اتسو کا فائدہ پہنچاتے ہوئے جیل سے رہا کیاگیا تھا جو ممبئی عدالت کے فیصلہ کے بعد عمر قید کی سزا بھگت رہے تھے۔

ملک اور بیرون ملک اس فیصلہ پر آج بھی شدید تنقید کا سلسلہ جاری ہے۔ان 11 درندوں کی رہائی کو درست قرار دیتے ہوئے گجرات کے ایک بی جے پی ایم ایل اے نے کہا تھا کہ 11 مجرمین چونکہ برہمن ہیں تو وہ خاندانی سنسکاری ہیں۔

ان 11 درندوں میں سے ایک گزشتہ دنوں گجرات میں باقاعدہ ایک سرکاری تقریب میں ایم پی اور ایم ایل اے کے ساتھ اسٹیج پر نظر آیا تھا۔اس پر بھی شدید تنقید کی جارہی ہے کہ کس طرح ایک زانی، قاتل اور مجرم کو سرکاری تقریب میں شامل کیا جاسکتا ہے؟۔ اب بلقیس بانو کے ان 11 مجرموں کی رہائی کے معاملہ پر جلد ہی سپریم کورٹ میں سماعت ہونے والی ہے۔

 

Post Views: 3

Related Posts

تلنگانہ میں بھی اب فوڈ جہاد! میڈارم جاترا میں کھویا بن بیچنے والے شاہ ولی کو یوٹیوب چینل کی شدید ہراسانی، ہر طرف سے مذمت

وقارآباد ضلع میں بیٹی نے نشہ آور انجکشن دے کر اپنے ہی والدین کا قتل کردیا، درندوں کو بھی شرمندہ کر دینے والی بیٹی گرفتار

کشمیر: پہلگام کے کیاب ڈرائیور نے ایمانداری اور دیانتداری کی مثال قائم کی، خاتون سیاح کاقیمتی بیاگ حوالے کیا،جذباتی ویڈیو وائرل

About سحر نیوز

View all posts by سحر نیوز →