حیدرآباد : معین آباد کے فارم ہاؤز پر ایگل ٹیم اور ایس او ٹی کا دھاوہ، منشیات ضبط!، سابق رکن اسمبلی اور ایم پی پولیس تحویل میں!!

حیدرآباد : معین آباد کے فارم ہاؤز پر ایگل ٹیم اور ایس او ٹی کا دھاوہ، منشیات ضبط !
سابق رکن اسمبلی تانڈور ،رکن پارلیمان اور دیگر اہم قائدین پولیس تحویل میں !!

حیدرآباد: 15۔مارچ
(سحر نیوزڈاٹ کام/ایجنسیز)

ہفتہ کی رات حیدرآباد کے مضافاتی علاقہ معین آباد میں موجودبی آر ایس کے سابق رکن اسمبلی تانڈور،وقارآباد ضلع پائلٹ روہت ریدی کا فارم ہاوز پھر ایک مرتبہ سرخیوں میں آگیا ہے!!

دستیاب اطلاعات کے مطابق اس فارم ہاؤز میں پارٹی کی اطلاعات کیساتھ ہی ایگل ٹیم(انسداد منشیات)اور اسپیشل آپریشن ٹیم (ایس او ٹی) نے معین آباد میں تانڈور کے سابق بی آر ایس ایم ایل اے پائلٹ روہت ریڈی کے اس فارم ہاؤز پربڑے پیمانے پر دھاوہ منظم کیا ۔اور کئی گھنٹوں تک تلاشی لی۔ ابتدائی اطلاعات میں بتایا گیا کہ اس دھادہ کے دوران تقریباً 2 گرام کوکین ضبط کی گئی ہے!!ا

اطلاعات کے مطابق ایگل ٹیم پر کچھ افراد نے فائرنگ کی ،پولیس نے فائرنگ میں استعمال پستول اور بلیٹ ضبط کرلیے ہیں۔

اس کارروائی کے بعد فارم ہاوز میں موجود سابق رکن اسمبلی پائلٹ روہت ریڈی ، تلگودیشم کے ایلوروحلقہ کے ایم پی پٹّہ مہیش کمارسمیت 8 افراد کو پولیس نے تحویل میں لے لیا ہے۔

بتایا جارہا ہے کہ اس آپریشن کے دوران پولیس عہدیداروں نے اس فارم ہاؤز میں منشیات سے متعلق مبینہ سرگرمیوں کی تحقیقات کے ایک حصے کے طور پر فارم ہاوز کوگھیرے میں لے لیا تھا ساتھ ہی سونگھنے والے کتوں کی خدمات بھی حاصل کی گئی تھیں تاکہ کسی بھی چھپے ہوئے غیرقانونی مادے کا پتہ لگایا جا سکے ۔

یہ وہی فارم ہاؤز ہے جو چند سال قبل ٹی آر ایس کے ارکان اسمبلی کی خریدی کی اطلاعات اور پولیس دھاوؤں کے بعد پورے ملک کے میڈیا میں منظر عام پر آیا تھا۔ 

غیر مصدقہ اطلاعات کے مطابق اس دھاوہ کے دوران فارم ہاوز میں ہوئی فائرنگ کی آوازیں سنی گئیں! پولیس نے شواہد کے ساتھ کسی بھی قسم کی چھیڑ چھاڑ کو روکنے اور اس مقام پر موجود تمام افراد سے مناسب طریقے سے پوچھ گچھ کو یقینی بنانے کے لیے فارم ہاؤز کے گرد گھیرا تنگ کر رکھا  تھا۔ تحقیقات فی الحال منشیات کے ذریعہ کا تعین کرنے اور مبینہ پارٹی کے تمام شرکاء کی شناخت پر مرکوز ہے۔

میڈیا کے ایک گوشے کی اطلاعات کے مطابق اس دھاوہ کے دوران کئی اہم سیاسی شخصیات مبینہ طور پر فارم ہاؤز میں موجود تھیں۔! جن میں سابق ایم ایل اے تانڈورپائلٹ روہت ریڈی، تلگودیشم کے ایلوروحلقہ کے ایم پی گتہ مہیش کمار اور جے پور کے ایک ایم ایل اے بھی مبینہ طور پرموجود تھے۔!! جائے وقوعہ پر متعدد سیاسی رہنماؤں کی موجودگی نے اس پارٹی کی نوعیت اور منشیات کی مبینہ پارٹی میں اعلیٰ شخصیات کی شمولیت کے بارے میں سوالات کو جنم دیا ہے۔!!

میڈیا کے مطابق عہدیداروں نے تصدیق کی ہے کہ اس سرچ آپریشن کے دوران منشیات سے متعلق سرگرمیوں کے خلاف کریک ڈاؤن کرنے کی مربوط کوششوں کا حصہ تھا۔ ایگل ٹیم جو کہ غیر قانونی سرگرمیوں کے خلاف انفورسمنٹ آپریشنز کرنے کے لیے جانی جاتی ہےنے مخصوص انٹیلی جنس معلومات پر معین آباد کے اس فارم ہاؤز پر یہ کارروائی کی۔ ضبط شدہ کوکین کو جاری تفتیش کے حصہ کے طور پرتجزیہ کے لیے فورنسک لیب بھیج دیا گیا ہے۔

اطلاعات کے مطابق تحویل میں لیے گئے سیاسی قائدین اور دیگر افراد کی طبی جانچ کی جارہی ہے ۔اس سلسلہ میں ایگل ٹیم مزید تحقیقات اور کارروائی میں مصروف ہے ۔اس سلسلہ میں پولیس کے بیان اور مزید تفصیلات   کا انتظار ہے۔

" یہ بھی پڑھیں "

تلنگانہ میں پکوان گیس کی کوئی قلت نہیں، سوشل میڈیا کے پروپگنڈہ سے عوام پریشان نہ ہوں : وزیر سول سپلائز اُتم کمار ریڈی