دہلی ایئر پورٹ پر اسپائس جیٹ کے طیارہ میں آگ لگ گئی

نئی دہلی : 25/جولائی
(سحرنیوزڈاٹ کام/ایجنسیز)

آج منگل کی شام دیر گئے دہلی کے اندرا گاندھی انٹرنیشنل ایئر پورٹ پر اسپائس جیٹ کےایک طیارہ میں انجن کی دیکھ بھال کے کاموں کے دوران آگ لگ گئی۔ اسپائس جیٹ ایئر لائن کمپنی نے کہا کہ جو اہلکار دیکھ بھال کا کام سنبھال رہے تھے وہ اور طیارہ محفوظ ہیں۔

اسپائس جیٹ ایئر لائن کمپنی کے ترجمان نے کہا کہ دیکھ بھال کے کام کے دوران، انجینئر نے رات 8 بجے کے قریب انجنوں میں سے ایک میں آگ کی وارننگ دیکھی جب انجن گراؤنڈ رن چل رہا تھا۔آگ بجھانےکےلیے آگ بجھانے والے آلات کا استعمال کیا گیا اور احتیاطی طور پر فائر بریگیڈ کو بھی طلب کیا گیا تھا۔

اسپائس جیٹ کے ترجمان نے اپنے بیان میں کہا ہے کہ یہ اسپائس جیٹ کیو 400 طیارہ دیکھ بھال کے تحت تھا۔بے پر بے کار پاور پرانجن گراؤنڈ رن کرتے ہوئے ایئر کرافٹ مینٹیننس انجینئر نے ایک نمبر انجن پر آگ کی وارننگ دیکھی تو فوری ہوائی جہاز کی آگ بجھانے والی بوتل کو ڈسچارج کر دیا گیا اور آگ پر قابو پالیا گیا۔

دہلی کے اندرا گاندھی انٹرنیشنل ایئر پورٹ پر پیش آئے اس واقعہ کا ویڈیو سوشل میڈیا پر وائرل ہو رہا ہے۔44 سیکنڈ کے اس ویڈیو میں طیارہ کے ایک حصے کو آگ لگتی ہوئی دکھائی دے رہی ہے، اور ہوا میں گھومنے والا کثیف و گہرا دھواں خارج ہو رہا ہے۔

#Breaking
This is among the first videos of what seems like an engine fire involving a @flyspicejet @Bombardier #Q400 aircraft at #Delhi – @DelhiAirport. pic.twitter.com/nvc7SUMBSc #AvGeek

— VT-VLO (@Vinamralongani) July 25, 2023

1984 میں آغاز کردہ اسپائس جیٹ ایک ہندوستانی ایئر لائن کمپنی ہے۔گزشتہ سال ماہ اکتوبر میں،ایئر لائن کوفضائی حفاظت کے کئی واقعات پیش آنےکےبعد پروازوں کی تعداد پر 50 فیصد عارضی حد کا سامنا کرنا پڑا۔قبل ازیں جون میں محکمہ ہوا بازی کے ریگولیٹر ڈی جی سی اےنے کہا تھا کہ اس نے اسپائس جیٹ کو اپنی بہتر نگرانی کے نظام سے ہٹا دیا ہے۔

” یہ بھی پڑھیں ”

وقارآباد ضلع میں ایک ہی دن میں 867 ملی میٹر بارش ریکارڈ ، تمام ذخائرآب لبریز، کوٹ پلی، لکھنا پوراور جنٹ پلی پراجکٹ سے زائد پانی کا اخراج

تلنگانہ کے آصف آباد ضلع میں 15 لاکھ روپئے مالیتی ٹماٹر سے لدی اُلٹنے والی لاری کو پولیس تحفظ

احمد آباد ایئر پورٹ شدید بارش کے بعد سیلابی پانی سے بھر گیا، مسافر گھٹنوں تک گہرے پانی میں سے گزرنے پر مجبور، ویڈیوز وائرل

Post Views: 17

Related Posts

فرید آباد میں حاجی اختر خان نے الوک شرما کا 16 لاکھ روپئے مالیتی سونا واپس کر دیا

تلنگانہ میں بھی اب فوڈ جہاد! میڈارم جاترا میں کھویا بن بیچنے والے شاہ ولی کو یوٹیوب چینل کی شدید ہراسانی، ہر طرف سے مذمت

وقارآباد ضلع میں بیٹی نے نشہ آور انجکشن دے کر اپنے ہی والدین کا قتل کردیا، درندوں کو بھی شرمندہ کر دینے والی بیٹی گرفتار

About سحر نیوز