ٹی آر ایس پارٹی ایم ایل سی امیدوار مہندر ریڈی نے اپنا پرچہ نامزدگی داخل کیا
وزیرتعلیم سبیتاریڈی،ایم اے ایل اے تانڈور روہت ریڈی اور دیگر موجود تھے
حیدرآباد؍رنگاریڈی: 22۔نومبر(سحرنیوزڈاٹ کام)
موجودہ رکن قانون ساز کونسل (ایم ایل سی ) وسابق وزیر ٹرانسپورٹ ڈاکٹر پی۔مہندرریڈی نے آج مجالس مقامی کے کوٹہ میں متحدہ ضلع رنگاریڈی سے بحیثیت ٹی آرایس امیدوار دوسری مرتبہ اپنا پرچہ نامزدگی داخل کیا۔
رکن قانون ساز کونسل ڈاکٹر پی۔مہندرریڈی جن کی موجودہ معیاد 4جنوری 2022ء کوختم ہورہی ہے نے آج پیر کے دن دفتر کلکٹریٹ ضلع رنگاریڈی پہنچ کر ضلع کلکٹر و الیکشن رٹرننگ آفیسر اموئے کمار کو اپنا پرچہ نامزدگی حوالے کیا۔
اس موقع پر ان کے ساتھ ریاستی وزیرتعلیم پی۔سبیتا اندرا ریڈی،رکن اسمبلی تانڈور پائلٹ روہت ریڈی،رکن اسمبلی وقارآباد ڈاکٹر میتکوآنند اور پرکاش گوڑ بھی موجود تھے۔
یاد رہے کہ مجالس مقامی کے کوٹہ کے تحت متحدہ ضلع رنگاریڈی (اضلاع وقارآباد، میڑچل اور رنگاریڈی) میں ایم ایل سی کی دو نشستیں ہیں جن کے امیدوارں کے طور پر ریاستی وزیراعلیٰ و ٹی آرایس سپریمو کے۔چندراشیکھر راؤ نے کوئی تبدیلی نہ کرتے ہوئے موجودہ ایم ایل سیز ڈاکٹر پی۔مہندرریڈی اور شمبی پور راجو کے ناموں کو ہی قطعیت دی ہے۔
اس سلسلہ میں قبل ازیں آج ریاستی وزیرتعلیم پی۔سبیتا اندرا ریڈی اور ریاستی وزیر لیبر ملاریڈی نے متحدہ ضلع رنگاریڈی کے دونوں ایم ایل سی امیدواروں ڈاکٹر پی۔مہندرریڈی اور شمبی پور راجو کو ٹی آر ایس پارٹی کا بی۔فارم حوالے کیا۔
اس موقع پرصدرنشین ضلع پریشد وقارآباد ضلع پی۔سنیتا مہندرریڈی،صدرنشین ضلع پریشدضلع رنگاریڈی تیگلا انیتا ریڈی کے بشمول متحدہ ضلع رنگاریڈی کے ٹی آرایس ارکان اسمبلی وویک،گاندھی،کالے یادیا،منچی ریڈی کشن ریڈی اور دیگر موجود تھے۔
ڈاکٹر پی۔مہندرریڈی کی جانب سے آج پرچہ نامزدگی کے ادخال کے موقع پر صدرنشین بلدیہ تانڈور تاٹی کونڈاسواپنا پریمل،نائب صدرنشین بلدیہ دیپا نرسملو،صدر تانڈور ٹاؤن ٹی آر ایس ایم اےنعیم افو،ٹی آرایس فلورلیڈربلدیہ شوبھارانی،ارکان بلدیہ عبدالرزاق،سلمیٰ فاطمہ،معراج فاطمہ
محمدمختار احمد ناز،نیرجا بال ریڈی ،بھیم سنگھ راتھوڑ،منکالا راگھویندر،وینکنا گوڑ،پروین کمار گوڑ ،اشونی گنڈپا ایرم وسنتا،سابق رکن بلدیہ سید زبیر لالہ ،ٹی آرایس قائدین کرنم پرشوتم راؤ،پریمل گپتا،اجئے پرساد اور دیگر ٹی آرایس پارٹی قائدین نے ڈاکٹر پی۔مہندرریڈی کو مبارکباد پیش کرتے ہوئے نیک تمناؤں کا اظہار کیا۔
