ملک میں کورونا وائرس کو ناک میں ہی کمزور کرنے والا اسپرے تیار،دو تجربے کامیاب
تیسرا تجربہ ہندوستان میں ہوگا،اسرائیل میں اسپرے کی تیاری کا آغاز
نئی دہلی/کینیڈا: 4۔اگست(سحرنیوزڈاٹ کام/ایجنسیز )
ملک میں پہلی مرتبہ ابتداء میں ہی کورونا وائرس کو ناک میں کمزور اور ختم کردینے والا ناک کا اسپرے Nasal Spray بہت جلد مارکیٹ میں آنے والا ہے۔
اس اسپرے کو ہندوستانی کمپنی گلین مارک فارما سیوٹیکلس کینیڈا کے ادارہ سنوٹائز ریسرچ اینڈ ڈیولپمنٹ کارپوریشن کے ساتھ مل کر تیار کرنے میں مصروف ہے جس کے اب تک برطانیہ اور کینیڈا میں دو تجربے کامیاب ہوچکے ہیں۔
ناک کے ذریعہ ابتداء میں ہی کورونا وائرس کے خاتمہ کی غرض سے تیار کیے جارہے اس ناک کے اسپرے کی سربراہی کے لیے اس کمپنی نے پہلے ہی ہندوستان سمیت سری لنکا، ملیشیاء ، سنگاپور ،نیپال، تائیوان ،کمبوڈیا ، برونی ،ہانگ کانگ،ویتنام ، میانمار ،لاوس کے علاوہ دیگر ایشائی ممالک کے ساتھ معاہدہ کرلیا ہے۔
اس کمپنی کے ڈائرکٹر گلین سلدھانہ کا کہنا ہے کہ اس سے ایشیائی ممالک پر کورونا وائرس کا اثر اور اس کا دباؤ کم ہوگا۔انہوں نے کہا کہ بہت جلد یہ اسپرے ہندوستان سمیت مذکورہ ممالک کو فراہم کردئیے جائیں گے۔
کینیڈا کے وانکوور میں موجود سنوٹائز نامی بائیوٹیک نامی کمپنی نے اس نیٹرک آکسائڈ نسل اسپرے ( این او این) کو ترقی دی ہے۔
اس کا طریقہ استعمال بھی عام ناک کے اسپرے جیسا ہوگا کہ کوروناوائرس متاثرین اس ناک کے اسپرے کو اپنی ناک میں اسپرے کرتے ہوئے استعمال کرنا ہوگا جس سے کورونا وائرس کا اثر بہت حد تک کم ہوگا اور اس اسپرے سے کورونا وائرس کا پھیلاؤ اور اثر انتہائی کم ہوجائے گا ساتھ ہی سانس لینے میں بھی آسانی ہوگی۔
برطانیہ اور کینیڈا میں اس اسپرے کا تجربہ عمل میں لایا گیا ہے جہاں 79 افراد جو کورونا سے متاثر تھے پر اس اسپرے کے دوسرے تجربہ کے دؤران 24 گھنٹوں میں 95 فیصد اور 72 گھنٹوں میں 99 فیصد وائرس کا زور کم ہوا ہے۔
یہ اسپرے نے برطانیہ میں کوویڈ کی لہر ” یوکے وائرنٹ ” کے علاج میں بھی بہت زیادہ کارآمد ثابت ہواہے۔
جبکہ کینیڈا میں اس اسپرے کے دوسرے مرحلہ کے تجربہ کے دؤران 103 افراد کے ناک میں اس اسپرے کا استعمال کیا گیا اور حیرت انگیز طور پر ان میں سے ایک بھی شخص کورونا وائرس سے متاثر نہیں ہوا۔
وہیں برطانیہ میں اس اسپرے کے دوسرے مرحلہ کے تجربہ کے دؤران 70 افراد کو شامل کرتے ہوئے ان کی ناک میں اسپرے استعمال کیا گیا تھا جس کے بعد انکشاف ہوا کہ کورونا وائرس متاثرین اور مشتبہ متاثرین کے کوروناٹسٹ کے دؤران اسپرے لینے والوں میں کورونا وائرس کی شدت اسپرے نہ لینے والوں کے مقابلہ میں 16 گنا کم ریکارڈ کی گئی۔
جبکہ اس سے قبل کینیڈا میں کیے گئے تجربہ میں 7,000 کورونا وائرس متاثرین کی تشخیص کی گئی جن میں کورونا وائرس کی کوئی زیادہ شدید علامات نہیں پائی گئیں۔
ہندوستانی کمپنی گلین مارک فارما سیوٹیکلس کینیڈا کے ادارہ سنوٹائز ریسرچ اینڈ ڈیولپمنٹ کارپوریشن کے ساتھ مل کر تیارکیے گئے اس اسپرے کو نیوزی لینڈ اور اسرائیل نے علاج کی غرض سے منظوری دے دی ہے اور کمپنی نے اسرائیل میں اس اسپرے کی تیاری کا آغاز بھی کردیا ہے۔
چیف ایگزکٹیو آفیسر سنوٹائز ریسرچ اینڈ ڈیولپمنٹ کارپوریشن اور معاون فاونڈر ڈاکٹر گلی ریگوو نے انکشاف کیا کہ اس اسپرے کے تیسرے مرحلہ کا کچھ تجربہ ہندوستان میں بھی کیا جاسکتا ہے!
بتایا جاتا ہے کہ اس کے لیے کمپنی فنڈس کے انتظار میں ہے اور فنڈس کی موصولی کے فوری بعد ہندوستان میں کورونا وائرس کی شدت کو پہلے مرحلہ میں ہی کم کرنے والے اس ناک کے اسپرے کا تجربہ کیا جائے گا۔
