بین الاقوامی خبریں / ریاستی خبریں / قومی خبریں

حیدرآباد ایئر پورٹ پر ملیشیا سے آنے والے دو مسافرین کے قبضہ سے زائد از 95 لاکھ روپئے مالیتی دیڑھ کلو سے زائد سونا ضبط

- by سحر نیوز

حیدرآباد ایئر پورٹ پر ملیشیا سے آنے والے دو مسافرین کے قبضہ سے
 95 لاکھ روپئے مالیتی دیڑھ کلو سے زائد سونا ضبط
دبئی سے آنے والے دو مسافروں کے قبضہ سے 34,800 بیرونی سگریٹ بھی ضبط

حیدرآباد : 27۔جولائی (سحرنیوزڈاٹ کام)

حیدر آباد کے راجیو گاندھی انٹرنیشنل ایئر پورٹ(شمس آباد ایئر پورٹ) پر وقفہ وقفہ سے بڑے پیمانے پر سونا،منشیات اور بیرونی کرنسی کی ضبطی کا سلسلہ جاری ہے۔

محکمہ کسٹمز، حیدرآباد ایئر پورٹ کے عہدیداروں کے مطابق آج 27 جولائی کو راجیو گاندھی انٹرنیشنل ایئر پورٹ پرمحکمہ کسٹمز کےعہدیداروں نے دو الگ الگ معاملات میں ملیشیاء سےحیدرآباد پہنچنے والے دو مسافروں کے قبضہ سے دیڑھ کلو سے زائد سونا ضبط کرلیا گیا ہے۔جس کی مالیت زائد از 95 لاکھ روپئے ہے۔جبکہ دبئی سے آنےوالے دیگر دو مسافروں کے قبضہ سے 34,800 غیر ملکی سگریٹ ضبط کیے گئے ہیں۔اس سلسلہ میں مزید تحقیقات جاری ہیں۔

محکمہ کسٹمز کے عہدیداروں کے مطابق مسافروں کی پروفائلنگ کی بنیاد پرمحکمہ کسٹمز، راجیو گاندھی انٹرنیشنل ایئر پورٹ حیدرآباد کے عہدیداروں نے ملیشیاء سے پہنچے دو مسافروں کے قبضہ سے 1.5451 گرام سونا ضبط کرلیا ہے۔جس کی مالیت 94 لاکھ 99 ہزار روپئے ہے۔

عہدیداروں کے مطابق اس سونا کو پیسٹ کی شکل میں ڈھال کر ان مسافروں نے سونا کو اپنے انڈر ویئرز اور جینس پینٹ میں چھپایا تھا۔اس سلسلہ میں دونوں مسافرین کو تحویل میں لے کر کیس درج کیا گیا ہے اور مزید تحقیقات جاری ہیں۔

جبکہ آج ہی راجیو گاندھی انٹرنیشنل ایئر پورٹ حیدرآباد پر دبئی سے پہنچنے والے دو مسافرین کےقبضہ سے 34 ہزار 800 غیر ملکی سگریٹ ضبط کیے گئے ہیں۔محکمہ کسٹمز حیدرآباد ایئر پورٹ کےعہدیداروں کے مطابق ان دونوں معاملات کی مزید تحقیقات جاری ہیں۔

یاد رہے کہ راجیو گاندھی انٹرنیشنل ایئر پورٹ حیدرآباد پر 23 جولائی کو کویت اور بحرین سے آنے والے تین مسافروں کے قبضہ سے 42 لاکھ 80 روپئے مالیتی 704 گرام سونا اور 15 ہزار بیرونی سگریٹ ضبط کیےگئے تھے۔وہیں اسی دن حیدرآباد سے دبئی جانے والےایک مسافر کےقبضہ سے 7 لاکھ 56 ہزار روپئے مالیتی بیرونی کرنسی ضبط کی گئی تھی۔

جبکہ 22 جولائی کو دبئی سے حیدرآباد ایئر پورٹ پہنچنےوالے چار مسافروں کے قبضہ سے 1.559 گرام سونا ضبط کرلیا گیا تھا جس کی مالیت 93 لاکھ 28 ہزار روپئے بتائی گئی تھی۔

اسی طرح 17 جولائی کو محکمہ کسٹمز، حیدرآباد ایئر پورٹ کےعہدیداروں نے شبہ کی بنیاد پر تلاشی کے بعد دو علیحدہ علیحدہ کیسیس میں دو مسافروں کےقبضہ سے ایک کلو 725 گرام سونا ضبط کرلیا تھا،جسے اسمگل کیاجارہاتھا۔اس ضبط شدہ سونا کی قیمت ایک کروڑ تین ہزار روپئےبتائی گئی تھی۔

وہیں 5 جولائی کو راجیو گاندھی انٹرنیشنل ایئر پورٹ پرمحکمہ کسٹمز کے عہدیداروں نے چار الگ الگ کارروائیوں میں دومسافرین کےقبضہ سے 2 کلو 279 گرام سونا ضبط کرلیاتھا۔جس کی مالیت ایک کروڑ 37 لاکھ روپئے بتائی گئی تھی۔اورساتھ ہی دیگر تین مسافرین کےقبضہ سے ایک کروڑ ایک ہزار روپئے مالیتی سگریٹ کی اسٹکس ضبط کی گئی تھیں۔

جبکہ 2 جولائی کو محکمہ کسٹمز، حیدرآباد ایئر پورٹ کےعہدیداروں نے جمہوریہ برونڈی کی شہری ایک 43 سالہ خاتون مسافر جو نیروبی سے براہ شارجہ حیدرآباد پہنچی تھی کے قبضہ سے 2027 گرام ہیروئن (منشیات) ضبط کر لی تھی۔جس کی قیمت بین الاقوامی مارکیٹ میں 14 کروڑ 20 لاکھ روپے بتائی گئی تھی۔بعدازاں اس خاتون کو گرفتار کر کے عدالت میں پیش کرنے کے بعد جیل بھیج دیا گیا تھا۔

 

” یہ بھی پڑھیں ” 

تلنگانہ میں شدید بارش کے پیش نظر کل 28 جولائی کو بھی تمام تعلیمی اداروں کو تعطیل

 

وقارآباد اور دیگر اضلاع میں شدید ترین بارش کی پیش قیاسی، محکمہ موسمیات کا ریڈ الرٹ، آئی جی پی شاہنواز قاسم کا دؤرہ وقارآباد

 

Post Views: 20

Related Posts

ڈاکٹر نصرت مہدی کو ابوظہبی میں بین الاقوامی اعزاز ” سفیر اردو ” سے نوازا گیا

بھوپال کے عالمی تبلیغی اجتماع کا مولانا محمد سعد صاحب کی دعائے خاص کیساتھ اختتام، زائداز 15لاکھ فرزندان توحیدکی شرکت

حیدرآباد ایئر پورٹ پر دُبئی سے پہنچی خاتون مسافر کے قبضہ سے 12 کروڑ مالیتی 12 کلوخشک گانجہ ضبط، خاتون گرفتار

About سحر نیوز

View all posts by سحر نیوز →