بین الاقوامی خبریں / جرائم و حادثات / ریاستی خبریں

حیدرآباد ایئر پورٹ پر بشمول خاتون چار مسافرین کے قبضہ سے ایک کروڑ 25 لاکھ روپے مالیتی دو کلو سونا ضبط، ایئر پورٹ ملازم بھی گرفتار

- by سحر نیوز

حیدرآباد ایئر پورٹ پر بشمول خاتون چار مسافرین کے قبضہ سے 
ایک کروڑ 25 لاکھ روپے مالیتی دو کلو سونا ضبط، ایئر پورٹ ملازم بھی گرفتار

حیدرآباد : 08۔ستمبر
(سحر نیوز ڈاٹ کام)

حیدرآباد کے راجیو گاندھی انٹرنیشنل ایئر پورٹ(شمس آباد ایئر پورٹ) RGIA# پر محکمہ کسٹمز کے عہدیداروں کی جانب سے وقفہ وقفہ سے بڑے پیمانے پر سونا،منشیات،بیرونی کرنسی اوربیرونی سگریٹ کی ضبطی کاسلسلہ جاری ہے۔گذشتہ ماہِ اگست میں محکمہ کسٹمز حیدرآباد ایئر پورٹ کی جانب سے بڑے پیمانے پر کروڑہا روپئے مالیتی سونا،بیرونی کرنسی اور بیرونی سگریٹ ضبط کیے گئے تھے۔

محکمہ کسٹمز،راجیو گاندھی انٹرنیشنل ایئر پورٹ کے عہدیداروں کے مطابق 5 ستمبر تا آج 8 ستمبر تک علحدہ علحدہ واقعات میں مختلف ممالک سے پہنچنے والے چار مسافرین کے قبضہ سے ایک کروڑ 25 لاکھ 36 ہزار روپئے مالیتی سونا ضبط کرلیاگیاہےجن میں ایک خاتون مسافر بھی شامل ہے۔

محکمہ کسٹمزکے عہدیداروں کے مطابق آج 8 ستمبر کو راس الخیمہ سے پہنچنےوالے ایک مسافر کی مخصوص معلومات کی بنیاد پرگرین چینل سےگزرنے اور اسکریننگ کے دوران اس کے سفری سامان سے 658 گرام سونا ضبط کرلیا گیا۔جس کی مالیت 35 لاکھ 81 ہزار روپئے ہے۔

اسی طرح آج 8 ستمبر کو راس الخیمہ سے ہی حیدرآباد ایئر پورٹ پہنچنے والی ایک خاتون مسافر کے قبضہ سے 368 گرام سونا ضبط کرلیا گیا جس کی مالیت 20 لاکھ 35 ہزار روپئے ہے۔عہدیداروں کےمطابق اس خاتون مسافر کےقبضہ سےبھی گرین چینل اور اسکیان سے گزرنے کے دوران سفری سامان سے محکمہ کسٹمز  کی خاتون عہدیدار نے یہ سونا ضبط کیا ہے۔

محکمہ کسٹمز کے عہدیداروں کے مطابق 5 ستمبر کو ایک ہندوستانی شہری جوکہ دبئی سے حیدرآباد پہنچا تھا کے قبضہ سے 933 گرام سونا ضبط کیا گیا جس کی مالیت 56 لاکھ 63 ہزار روپئے ہے۔اس مسافر کی بھی مخصوص معلومات کی بنیاد پر تلاشی لی گئی تھی۔محکمہ کسٹمز حیدرآباد ایئر پورٹ کے عہدیداروں نے انکشاف کیا ہے کہ دبئی سے لائے گئے اس سونا کو ایک ایئر پورٹ کے ملازم کی مدد سے ایئر پورٹ کے باہر منتقل کیے جانے کے منصوبہ کو ناکام بناتے ہوئے اس ایئر پورٹ کے ملازم کو مسافر کے ساتھ گرفتار کرلیا گیا۔

جبکہ 6 ستمبر کو دبئی سے ایمریٹس کی فلائٹ نمبر EK-528 کے ذریعہ حیدرآباد ایئر پورٹ پہنچنےوالے ایک مسافر کے قبضہ سے 206 گرام سونا ضبط کرلیا گیا جس کی مالیت 12 لاکھ 57 ہزار روپئے ہے۔یہ مسافر سونا کو پاپ کارن بنانے والی مشین میں چھپاکر لایا تھا۔اس سلسلہ میں کیس درج کرکے تحقیقات کی جا رہی ہیں۔

 

” یہ بھی پڑھیں "

تلنگانہ پولیس اپنی کارکردگی اور جدید ٹکنالوجی کے استعمال میں سرفہرست : وزیر داخلہ محمد محمود علی کا جائزہ اجلاس، پرنسپل سیکریٹری، ڈی جی پی اور کمشنران پولیس کی شرکت

انڈیا کا نام کیا بھارت میں تبدیل کیا جا رہا ہے ؟ صدر جمہوریہ کے دعوت نامہ پر پریسیڈنٹ آف انڈیا کے بجائے بھارت تحریر

 

 

Post Views: 24

Related Posts

ڈاکٹر نصرت مہدی کو ابوظہبی میں بین الاقوامی اعزاز ” سفیر اردو ” سے نوازا گیا

بھوپال کے عالمی تبلیغی اجتماع کا مولانا محمد سعد صاحب کی دعائے خاص کیساتھ اختتام، زائداز 15لاکھ فرزندان توحیدکی شرکت

حیدرآباد ایئر پورٹ پر دُبئی سے پہنچی خاتون مسافر کے قبضہ سے 12 کروڑ مالیتی 12 کلوخشک گانجہ ضبط، خاتون گرفتار

About سحر نیوز

View all posts by سحر نیوز →