بنگلہ دیش کے روہنگیا پناہ گزین کیمپ میں بھیانک آتشزدگی،سینکڑوں خیمے آگ کی نذر
بنگلہ دیش:22۔ مارچ ۔(ایجنسیز/سحرنیوزڈیسک)
ایسا محسوس ہوتا ہے کہ دنیا بھرکی مصیبتیں بدنصیب روہنگیا ئی مسلمانوں کاتعاقب کررہی ہیں بنگلہ دیش جہاں لاکھوں روہنگیائی مسلمان پناہ گزیں پناہ لیے ہوئے ہیں وہیں آج سہء پہر جنوبی بنگلہ دیش میں مہیب آتشزدگی کے باعث سینکڑوں کی تعداد میں پناہ گزنیوں کے خیمے ، ہیلتھ سنٹرس اور دیگر سہولیاتی مراکز آگ کی نذر ہوگئے۔
Massive blaze in the #Rohingya #refugee camps
Video: Serajul Hoque. pic.twitter.com/RqLuGbL5Rx
— Shafiur Rahman (@shafiur) March 22, 2021
بنگلہ دیشی حکومت کے مہاجرین ، امداد ی اور وطن واپسی کمیشن کے ایڈیشنل کمشنر محمد شمسد دؤزا کے بموجب کاکس بازارضلع کے بلو خالی کیمپ
میں یہ آگ اچانک بھڑ ک اٹھی اور دیکھتے دیکھتے ایک بڑے حصہ کو اپنی لپیٹ میں لے لیا اور کم ازکم چار بلاکس نذرآتش ہوگئے۔ فوری طورپر اس بھیانک آتشزدگی میں جانی نقصان کی اطلاع نہیں ہے لیکن بڑی تعداد میں اموات اور زخمی ہونے کا اندیشہ ہے!
HAPPENING NOW: massive fire in Balukhali Camp 1 #Rohingya #refugee camp pic.twitter.com/P0honDOWYM
— Shafiur Rahman (@shafiur) March 22, 2021
میڈیا اطلاعات میں بتایا گیا ہے کہ آگ کی لپیٹ میں آنیوالی جھونپڑیاں ایک پہاڑی علاقہ میں ہیں جہاں فائر فائٹرس کو پہنچنے میں مشکلات پیش آرہی ہیں اور ساتھ ہی آگ بجھانے کیلئے اس کیمپ کے علاقہ میں پانی کا کوئی نظام بھی موجود نہیں ہے ۔
وہیں حکام نے کہا ہے کہ آگ لگنے کے ساڑھے چار گھنٹے بعد آگ پر قابو پالیا گیا ہے۔
جبکہ یونائیٹیڈ نیشن ہائی کمشنر فار رفیوجیز(UNHCR) کے ترجمان لوئس ڈونوون نے بتایا کہ فائر فائٹرس اور امدادی ٹیمیں جائے واقعہ پر موجود تھیں اور انہوں نے بھی آگ پر قابو پانے اور اسے مزید روکنے کی کارروائی میں شامل تھے۔
اور اب بھی وہ آگ سے متاثرہ علاقہ میں اپنے معاونین کے ساتھ ہنگامی خدمات اور امداد فراہم کرنے میں مصروف ہیں وہیں انسانی خدمات میں مصروف تنظیموں نے بھی اپنے سینکڑوں رضاکاروں کو مدد کیلئے بھیجا ہے فائر سیفٹی گاڑیاں اور آتش فرو آلات بھی پہنچادی گئی ہیں
اور اس آگ نے قیام گاہوں ، ہیلتھ مراکز ، تقسیم کے مقامات ، اور دیگر سہولتوں کو اپنی لپیٹ میں لے لیا ہے اور یہ رضاکار متاثرین کی امداد میں مصروف ہیں۔
مقامی افراد نے بتایا کہ اس آگ پر قابو پانے کی پہلے انہوں نے کوشش کی تاہم یہ آگ انتہائی تیزی کیساتھ پھیل گئی اور سارے علاقے کو اپنی لپیٹ میں لے لیا۔
اس پناہ گزیں کیمپ میں موجود عینی شاہدین نے میڈیا کو بتایا کہ یہ آگ سہء پہر ساڑھے تین بجے بھڑک اٹھی تھی ، پکوان گیس سیلنڈر کے پھٹنے سے یہ واقعہ رونما ہوا ہے تاہم سرکاری طورپر اس کی تصدیق نہیں کی گئی ہے اور نہ ہی آگ لگنے کی وجوہات بتائی گئی ہیں۔
یونائیٹیڈ نیشن ہائی کمشنر فار رفیوجیز(UNHCR) کے بموجب 550 پناگاہیں آگ کی نذر ہوئی ہیں جن میں 3,500افراد مقیم تھے
ایک اور اطلاع میں بتایا گیا ہے کہ 700 ٹینٹ آگ کی نذرہوئے ہیں۔
بتایا جاتا ہے کہ دس لاکھ سے زیادہ روہنگیائی جنوبی بنگلہ دیش کے پناہ گزیں کیمپوں میں مقیم ہیں۔اقوام متحدہ کےمطابق 2017ء میں میانمار میں فوج کی زیر قیادت نسل کشی کے دؤران لاکھوں روہنگیائی میانمار سے فرار ہوکر بنگلہ دیش پہنچے تھے۔
