بین الاقوامی خبریں / ریاستی خبریں / قومی خبریں

حیدرآباد ایئرپورٹ پر 82.42 لاکھ روپئے مالیتی سونا ضبط، دوحہ اور بنکاک سے پہنچے تھے دونوں مسافر

- by سحر نیوز

حیدرآباد ایئرپورٹ پر 82.42 لاکھ روپئے مالیتی سونا ضبط
دوحہ اور بنکاک سے بڑی آنت میں سونا چھپاکر پہنچے تھے دونوں مسافر

حیدرآباد : 01۔اگست (سحر نیوز ڈاٹ کام)

حیدر آباد کے راجیو گاندھی انٹرنیشنل ایئر پورٹ(شمس آباد ایئر پورٹ) پر محکمہ کسٹمز کے عہدیداروں کی جانب سے وقفہ وقفہ سے بڑے پیمانے پر سونا، منشیات، بیرونی سگریٹ اور بیرونی کرنسی کی ضبطی کا سلسلہ ہنوز جاری ہے۔جاریہ ماہ محکمہ کسٹمز حیدرآباد ایئر پورٹ کی مستعدی کے باعث کروڑہا روپئے مالیتی سونا، منشیات،بیرونی کرنسی اور بیرونی سگریٹ ضبط کیے گئے ہیں۔

محکمہ کسٹمز،راجیو گاندھی انٹرنیشنل ایئر پورٹ حیدرآباد RGIA# کےعہدیداروں کی اطلاع کےمطابق کل 31 جولائی کو پروفائلنگ کی بنیاد پر دوحہ سے آنےوالے ایک ہندوستانی شہری کے قبضہ سے 701 گرام سونا جس کی مالیت 42.96 لاکھ روپے ہے ضبط کیا گیا ہے۔سونا اس مسافر کی تلاشی کے اندر پیسٹ کی شکل میں ڈھال کر سونا کیپسول کی شکل میں اس مسافر کی بڑی آنت میں چھپایا گیا تھا۔

اسی طرح گذشتہ رات 12-10 بجے بنکاک سے حیدرآباد ایئر پورٹ پہنچنے والے ایک مسافرکے قبضہ سے 562 گرام سوناضبط کرلیا گیا اس سونا کو بھی پیسٹ کی شکل میں ڈھال کر اس مسافر نے اپنی بڑی آنت میں چھپاکر لایا تھا۔اسی کے ساتھ اس مسافر کے قبضہ سے مزید 86 گرام پر مشتمل سونا کی چوڑی بھی ضبط کرلی گئی جس پر چاندی کا پیسٹ چڑھایا گیا تھا۔محکمہ کسٹمز حیدرآباد کے عہدیداروں کے مطابق اس مسافر کے قبضہ سے جملہ 39 لاکھ 46 ہزار روپئے مالیتی سونا ضبط کرلیا گیا ہے۔اور ان دونوں معاملات میں کیس درج کرکے مزید تحقیقات کی جارہی ہیں۔

یہاں یہ تذکرہ غیر ضروری نہ ہوگاکہ محکمہ کسٹمز، راجیو گاندھی انٹرنیشنل ایئر پورٹ حیدرآباد کےعہدیداروں نے 29 جولائی کوچنئی سےحیدرآباد پہنچنے والے ایک مسافرکے قبضہ سے 1.3 کلو سونا ضبط کرلیاتھا جسے پیسٹ کی شکل میں ڈھال کر اس مسافر نے اپنے ٹراؤزر (پینٹ) کی پیاکٹ میں رکھا تھا۔محکمہ کسٹمز کے عہدیداروں نے اس ضبط شدہ سونا کی قیمت 81 لاکھ 60 ہزار روپئے بتائی تھی۔محکمہ کسٹمز کے عہدیداروں نے انکشاف کیاتھاکہ اس مسافرنے اس سونا کو بین الاقوامی پرواز کے دوران ابوظہبی سے چنئی تک فلائٹ کے واش بیسن کے نیچے چھپاکر لایا تھا۔بعدازاں گھریلو پرواز کے دوران وہ یہ سونا اپنی پینٹ کے جیب میں رکھ کر حیدرآباد ایئرپورٹ پہنچا تھا۔

جبکہ محکمہ کسٹمز،حیدرآباد ایئر پورٹ کے عہدیداروں نے 27 جولائی کو راجیو گاندھی انٹرنیشنل ایئر پورٹ پر دو الگ الگ معاملات میں ملیشیاء سے حیدرآباد پہنچنے والے دو مسافروں کے قبضہ سے 1.5451 گرام سونا ضبط کرلیاتھا۔جس کی مالیت 94 لاکھ 99 ہزار روپئے بتائی گئی تھی۔جبکہ دبئی سے آنے والے دیگر دو مسافروں کے قبضہ سے 34,800 غیر ملکی سگریٹ ضبط کیے گئے تھے۔عہدیداروں کے مطابق اس سونا کو پیسٹ کی شکل میں ڈھال کر ان مسافروں نے اپنے انڈر ویئرز اورجینس پینٹ میں چھپایا تھا۔اس سلسلہ میں دونوں مسافرین کو تحویل میں لے لیا گیا تھا۔

" یہ بھی پڑھیں ” 

چلتی ٹرین میں آر پی ایف کانسٹیبل نے اے ایس آئی سمیت چارافراد کو گولی مار دی

ٹماٹر کی آسمان چھوتی قیمتوں پر بے بس و لاچار اور روتے ہوئے دہلی کے سبزی فروش کا وائرل شدہ جذباتی ویڈیو موضوع بحث

 

حیدرآباد ایئر پورٹ پر چنئی سے آنے والے مسافر کے قبضہ سے 81 لاکھ روپئے مالیتی ایک کلو سے زائد سونا ضبط

 

 

Post Views: 22

Related Posts

ڈاکٹر نصرت مہدی کو ابوظہبی میں بین الاقوامی اعزاز ” سفیر اردو ” سے نوازا گیا

بھوپال کے عالمی تبلیغی اجتماع کا مولانا محمد سعد صاحب کی دعائے خاص کیساتھ اختتام، زائداز 15لاکھ فرزندان توحیدکی شرکت

حیدرآباد ایئر پورٹ پر دُبئی سے پہنچی خاتون مسافر کے قبضہ سے 12 کروڑ مالیتی 12 کلوخشک گانجہ ضبط، خاتون گرفتار

About سحر نیوز

View all posts by سحر نیوز →