بین الاقوامی خبریں / جرائم و حادثات / ریاستی خبریں / قومی خبریں

حیدرآباد ایئر پورٹ پر شارجہ سے آنے والی خاتون مسافر کے قبضہ سے 14 کروڑ 20 لاکھ روپئے مالیتی دو کلو سے زائد ہیروئن ضبط

- by سحر نیوز

حیدرآباد ایئر پورٹ پر شارجہ سے آنے والی خاتون مسافر کے قبضہ سے
 14 کروڑ 20 لاکھ روپئے مالیتی دو کلو سے زائد ہیروئن ضبط

حیدرآباد : 03۔جولائی (سحر نیوز ڈاٹ کام)

حیدرآباد کے راجیو گاندھی انٹرنیشنل ایئر پورٹ (شمس آباد ایئر پورٹ) پر وقفہ وقفہ سے بڑے پیمانے پر سونا کی ضبطی کا سلسلہ جاری تھا۔ لیکن کل 2 جولائی کو محکمہ کسٹمز، حیدرآباد ایئر پورٹ کے عہدیداروں کی چوکسی کے باعث ایک خاتون مسافر کے قبضہ سے بڑی تعداد میں کروڑہا روپئے مالیتی ہیروئن (منشیات) ضبط کرتے ہوئے اسے گرفتار کر کے عدالت میں پیش کرنے کے بعد جیل بھیج دیا گیا۔

محکمہ کسٹمز،راجیو گاندھی انٹرنیشنل ایئر پورٹ،حیدرآباد کےعہدیداروں کے مطابق کل 2 جولائی کو مسافروں کی پروفائلنگ اور باریک بینی سے مشاہدہ کے دوران نیروبی سے ایئر عربیہ ایئرویز کی پرواز نمبر G9-458 کے ذریعہ حیدرآباد ایئر پورٹ پہنچنے والی ایک 43 سالہ خاتون مسافر کو روکا گیا۔جو کہ مشرقی آفریقی ملک جمہوریہ برونڈی کی شہری ہے۔

یہ خاتون مسافر نیروبی سے براہ شارجہ ایئر عربیہ کی فلائٹ سے حیدرآباد ایئر پورٹ پہنچی تھی۔اس خاتون کے ساتھ موجود سفری سامان کی تلاشی لی گئی تو ان میں 8 روایتی افریقی ملبوسات، ایک لیڈیز ہینڈ بیگ اور 3 صابن سامان میں موجود تھے۔

محکمہ کسٹمز،حیدرآباد ایئر پورٹ کے عہدیداروں کے مطابق اس خاتون مسافر کے سفری سامان کا وزن عام وزن سے زیادہ ظاہر ہوا تو شبہ کی بنیاد پر عہدیداروں نے اس خاتون کے پاس موجود ان خواتین کےملبوسات،ہینڈ بیگ اور صابن کی پرتوں کو احتیاط سےکھولنے پر،ہینڈ بیگ کی ہر پرت میں چھپے ہوئے سیاہ/سفید پلاسٹک کے پیکٹ/پاؤچ، لباس اور صابن کے بٹن دستیاب ہوئے۔

مذکورہ پیکٹ کو جب کھولا گیا تو ان میں بھورے رنگ کا سفید پاؤڈر موجود تھا جو کہ جانچ کرنے پر” ہیروئن (منشیات) ” ثابت ہوئی۔ جو کہ ایک نشہ آور شئے ہے اور یہ این ڈی پی ایس NDPS# ایکٹ 1985 کے تحت ممنوع ہے۔

محکمہ کسٹمز راجیو گاندھی انٹرنیشنل ایئر پورٹ,حیدرآبادکےعہدیداروں کےمطابق اس خاتون مسافرکے قبضہ سے جملہ 2027 گرام ہیروئن ضبط کر لی گئی۔جس کی قیمت بین الاقوامی مارکیٹ میں 14 کروڑ 20 لاکھ روپے ہے۔

بعدازاں اس خاتون مسافر کو این ڈی پی ایس ایکٹ 1985 کےتحت گرفتار کرتے ہوئے عدالت میں پیش کیا گیا. جہاں سے معزز عدالت نے اس خاتون مسافر کو عدالتی تحویل میں بھیج دیا۔حیدرآباد کسٹمز کے عہدیداروں کی مستعدی،چوکسی اور فوری کارروائی کے  نتیجے میں اتنی بڑی مقدار میں منشیات کی ضبطی ممکن ہو پائی۔

" یہ بھی پڑھیں "

وقارآباد ضلع میں ٹرین کی ٹکر سے 60 بھیڑ بکریاں ہلاک

Hyderabadcustoms#
heroineseized#

Post Views: 23

Related Posts

ڈاکٹر نصرت مہدی کو ابوظہبی میں بین الاقوامی اعزاز ” سفیر اردو ” سے نوازا گیا

بھوپال کے عالمی تبلیغی اجتماع کا مولانا محمد سعد صاحب کی دعائے خاص کیساتھ اختتام، زائداز 15لاکھ فرزندان توحیدکی شرکت

حیدرآباد ایئر پورٹ پر دُبئی سے پہنچی خاتون مسافر کے قبضہ سے 12 کروڑ مالیتی 12 کلوخشک گانجہ ضبط، خاتون گرفتار

About سحر نیوز

View all posts by سحر نیوز →